پی سی بی کے ہیڈ کیوریٹر حاجی بشیر ہارٹ اٹیک کے باعث انتقال کرگئے

لاہور: پی سی بی کے ہیڈ کیوریٹر حاجی بشیر ہارٹ اٹیک کے باعث انتقال کرگئے، جن کو شائقین چاچا کرکٹ سمجھ بیٹھے تھے۔ ہیڈ کیوریٹر حاجی بشیر نے پاکستان کرکٹ بورڈ کو اپنی زندگی کے پچاس قیمتی سال دیے اور ملک بھر میں قائم اسٹیڈیم کی اعلیٰ معیار کی پچز تیار کیں۔

پی سی بی نے حاجی بشیر کی موت پر دکھ کا اظہار کرتے ہوئے اُن کے خاندان اور دوستوں سے تعزیت کا اظہار کیا جبکہ قومی کرکٹ ٹیم کے موجود اور سابقہ کھلاڑیوں نے بھی کیوریٹر کی خدمات کو سراہتے ہوئے اُن کے لئے مغفرت کی دعا کی۔

The PCB is saddened by the news of the passing of Haji Bashir Ahmed, former head curator. The PCB offers its condolences to the friends and family. pic.twitter.com/TnxMfffAZe

— Pakistan Cricket (@TheRealPCB) November 18, 2020

واضح رہے کہ معروف کرکٹرز جن میں حنیف محمد، ماجد خان، عمران خان، جاوید میانداد، انضمام الحق، سرووین رچرڈ سمیت دیگر لیجنڈری کرکٹرز شامل ہیں حاجی بشیر کی تیار کردہ وکٹ پر میچز کھیل چکے ہیں۔

پاکستان کرکٹ بورڈ اور کھلاڑیوں کی جانب سے جب حاجی بشیر کی تصاویر شیئر کی گئیں تو شائقین انہیں چاچا کرکٹ سمجھ بیٹھے۔شائقین نے حاجی بشیر کو چاچا کرکٹ کہہ کر اُن کے اور اہل خانہ کے لیے دعا بھی کی۔

Alhamdulillah Chacha Cricket is absolutely fine and in good health. Please avoid sharing such news without verification.@GhaffarDawnNews @bhattimajid @faizanlakhani @aaliaaaliya @hashmi_shahid @falamb3 @TheRealPCBMedia @IbrahimBadees @iqrarulhassan @rasheedshakoor https://t.co/toTWtrqRaA

— Chacha Cricket (@chachacricketpk) November 18, 2020

بعد ازاں چاچا کرکٹ نے شائقین کے نام پیغام جاری کرتے ہوئے بتایا کہ وہ بالکل ٹھیک اور خیریت سے ہیں۔اس حوالے سے چاچا کرکٹ کے چھوٹے صاحبزادے خالد جمیل نے بھی تصدیق کی کہ والد بالکل خیریت سے ہیں۔

انہوں نے کہا کہ جلد ہی اُن کا ویڈیو پیغام جاری کیا جائے گا تاکہ لوگوں کی غلط فہمی دور ہوجائے۔ انہوں نے صارفین سے اپیل کی کہ وہ غلط خبر کو بنا تصدیق کے پھیلانے سے گریز کریں۔الحمداللہ چاچا کرکٹ خیریت سے ہیں۔