بھارت ہجرت کرنیوالے درجنوں پاکستانی کل وطن واپس لوٹیں گے

لاہور : سندھ میں جبری مذہب کی تبدیلیوں اور مذہبی شدت پسندوں کے خوف سے بھارت ہجرت کرنیوالے درجنوں ہندوؤں سمیت 100 کے قریب پاکستانی کل وطن واپس لوٹیں گے۔

بھارت سے واپس آنیوالے تمام پاکستانی واہگہ بارڈر کے ذریعے آئینگے، ذرائع کا کہنا ہے کہ یہ تمام افراد ملک میں جبری مذہب کی تبدیلیوں اور مذہبی شدت پسندوں کے سے بھارت چلے گئے تھے۔

بھارت میں ناروا سلوک اور غیر انسانی رویئے کی وجہ سے پاکستانی خاندان واپس لوٹ رہے ہیں۔4 نومبر کو پاکستانیوں کی واپسی کے حوالے سے واہگہ بارڈر پر خصوصی اقدامات کئے جارہے ہیں۔

مزید پڑھیں:پاکستان میں مذہب کی جبری تبدیلی، اقلیتوں کے حقوق اور معاشرے کا کردار

واضح رہے کہ حکومتی اعداد وشمار کے مطابق ہندوپاکستان میں سب سے بڑی غیر مسلم اقلیت ہے جس کا تخمینہ آبادی کے دو فیصد کے درمیان ہے جبکہ پاکستان میں ہندوکئی کلیدی عہدوں پر فرائض انجام دے چکے ہیں۔