گوگل نیوز پر ہمیں فالو کریںاسلام آباد: وزیرِ اعظم کے معاونِ خصوصی ڈاکٹر شہباز گِل نے کہا ہے کہ مزارِ قائد پر فاطمہ جناح کی جگہ مریم نواز کیلئے مادرِ ملت زندہ باد کے نعرے لگائے گئے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی برائے سیاسی ابلاغ ڈاکٹر شہباز گِل نے کہا کہ کیپٹن (ر) صفدر نے مزارِ قائد پر کھڑے ہو کر فاطمہ جناح کی بجائے اپنی بیوی کیلئے مادرِ ملت زندہ باد کے نعرے لگائے۔
پیغام میں معاونِ خصوصی شہباز گِل نے کہا کہ پہلے نواز شریف کی تاریخِ پیدائش کو قائدِ اعظم سے جوڑنے کی کوشش کی، مادرِ کرپشن مریم صفدر اپنے حواس کھو چکی ہیں۔
ڈاکٹر شہباز گِل نے سابق وزیرِ اعظم نواز شریف کو بدعنوانی کا باپ قرار دیتے ہوئے کہا کہ فادر آف کرپشن خود کو امام جبکہ کیلبری کوین خود کو مادرِ ملت کہلوانا پسند کرتی ہیں، انہوں نے ن لیگی رہنماؤں کو خدا کا خوف کرنے کا مشورہ بھی دیا۔
صفدر نے مزارقائد پر فاطمہ جناح کی بجائے اپنی بیوی کیلیے"مادر ملّت زندہ باد" کے نعرے لگائے،پہلے نواز شریف کی DOB کو قائداعظم سے ملایا.
مادرِ کرپشن مریم صفدر اپنے حواس کھو چکی ہیں،فادر آف کرپشن کو امام جبکہ کیلبری کوئین خود کو "مادرِ ملت" کہلوانا پسند کرتی ہیں۔ کوئی خدا کا خوف کرو pic.twitter.com/yUdiej2Q2G— Dr. Shahbaz GiLL (@SHABAZGIL) October 24, 2020
یہ بھی پڑھیں: گورنر سندھ کے دورہ اسلام آباد کو متنازعہ نہ بنایا جائے، شہباز گل
