گوگل نیوز پر ہمیں فالو کریںاسلام آباد: وفاقی وزیرِ سائنس و ٹیکنالوجی فواد چوہدری نے عجیب منطق بیان کرتے ہوئے پی ڈی ایم کی ناکامی کو حکومت سے زیادہ ملک کی ضرورت قرار دے دیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے کہا کہ کوئی شبہ نہیں کہ حکومت میں انتظامی بہتری کی گنجائش موجود ہے اور بے شک لوگوں کی امیدوں پر پورا اترنے کیلئے بڑے فیصلے بھی ضروری ہیں۔
پیغام میں وزیرِ سائنس و ٹیکنالوجی فواد چوہدری نے کہا کہ بے شک وفاقی حکومت میں ہزار خامیاں ہوں لیکن کیا یہ ملک شریف فیملی، زرداری یا ان کے بچوں کے حوالے کیا جاسکتا ہے؟ کیا اپوزیشن کے پاس وزیرِ اعظم جیسا کوئی آدمی ہے؟
وزیرِ سائنس و ٹیکنالوجی فواد چوہدری نے کہا کہ کیا حزبِ اختلاف کی سیاسی جماعتوں کے پاس عمران خان کے قد کا ایک بھی آدمی موجود ہے؟ پاکستان ڈیموکریٹک موومنٹ (پی ڈی ایم) کی ناکامی عمران خان سے زیادہ وطن کی ضرورت ہے۔
کوئ شبہ نہیں کہ حکومت میں انتظامی بہتری کی گنجائش ہے،شبہ نہیں لوگوں کی امیدوں کیلئے بڑے فیصلے ضروری لیکن ہزار خامیاں ہوں کیا یہ ملک شریف/زرداری یا ان کے بچوں کے حوالےکر سکتے ہیں؟عمران خان کے قد کا ایک آدمی بھی ہے اپوزیشن کے پاس؟ PDM کی ناکامی عمران خان سے زیادہ ملک کی ضرورت ہے
— Ch Fawad Hussain (@fawadchaudhry) October 20, 2020
یاد رہے کہ اِس سے قبل وفاقی وزیر فواد چوہدری نے پی ڈی ایم جلسے کے اپوزیشن رہنماؤں کو تحریکِ طالبان پاکستان (ٹی ٹی پی) نامی دہشت گرد تنظیم کا دوست قرار دے دیا۔
ٹوئٹر پر2 روز قبل اپنے پیغام میں وفاقی وزیرِ سائنس و ٹیکنالوجی فواد چوہدری نے کہا کہ آج سے 13 سال قبل پاکستان کی تاریخ کا سب سے بڑا خودکش حملہ ہوا جس میں بے نظیر بھٹو شہید کے قافلے کو نشانہ بنایا گیا۔
مزید پڑھیں: فواد چوہدری نے اپوزیشن رہنماؤں کو ٹی ٹی پی کا دوست قرار دے دیا
