گوگل نیوز پر ہمیں فالو کریںاسلام آباد: وفاقی حکومت نے ن لیگی رہنما کیپٹن (ر) صفدر کی گرفتاری پر سندھ حکومت کی خدمات کا اعتراف کیا ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیرِ تعلیم شفقت محمود نے کہا کہ وزیرِ اعلیٰ سندھ سیّد مراد علی شاہ نے کراچی پولیس کو کیپٹن صفدر کی گرفتاری کا حکم دے کر اپنا فرض پورا کیا۔
وزیرِ اعلیٰ سندھ کے اقدام پر حیرت کا اظہار کرتے ہوئے وزیرِ تعلیم شفقت محمود نے کہا کہ مجھے اِس کی توقع نہیں تھی لیکن خوشی ہے کہ سندھ پولیس نے قانون کی حکمرانی قائم کی اور کیپٹن صفدر کو گرفتار کیا۔
وفاقی وزیرِ تعلیم شفقت محمود نے کہا کہ گزشتہ روز کیپٹن صفدر نے مزارِ قائد پر نعرے بازی کرکے ایک جرم کا ارتکاب کیا جس پر قانون کو حرکت میں آنا بھی چاہئے۔ مزارِ قائد انتظامیہ نے کیپٹن صفدر کے خلاف متعلقہ تھانے میں ایف آئی آر درج کرائی۔
For once Sindh CM Murad Ali Shah has done his duty by ordering the arrest of Capt Safdar through the Sindh Police. https://t.co/NEvoZCBio7
— Shafqat Mahmood (@Shafqat_Mahmood) October 19, 2020
یہ بھی پڑھیں: کیپٹن صفدر کی گرفتاری کی وجوہات سامنے آگئیں
