گوگل نیوز پر ہمیں فالو کریںکراچی: سابق وزیرِ اعظم میاں نواز شریف کے داماد کیپٹن (ر) صفدر کی گرفتاری کی وجوہات سامنے آگئی ہیں، مقدمے میں مریم نواز اور کیپٹن صفدر سمیت 200 افراد کو نامزد کیا گیا ہے۔
تفصیلات کے مطابق مریم نواز کے شوہر کیپٹن (ر) صفدر کو مزارِ قائد پر خلافِ قانون نعرے بازی پر گرفتار کیا گیا، جس پر سابق وزیرِ اعظم نواز شریف کی صاحبزادی مریم نواز نے ٹوئٹر پر ایک پیغام بھی ارسال کیا۔
قبل ازیں سماجی رابطے کی ویب سائٹ ٹوئٹر پر اپنے پیغام میں وزیرِ بحری امور علی حیدر زیدی نے کہا کہ ہم تھانہ بریگیڈ کراچی پہنچے جبکہ ہمارے ساتھ کراچی کے اراکینِ اسمبلی موجود تھے۔ ہم نے مریم نواز اور صفدر اعوان کے خلاف ایف آئی آر درج کرنے کا مطالبہ کیا۔
اپنے پیغام میں وزیرِ بحری امور علی زیدی نے کہا کہ مریم نواز، کیپٹن صفدر اور دیگر ن لیگی غنڈوں نے مزارِ قائد کے ادب و احترام کو ملحوظِ خاطر نہیں رکھا، اگر ایف آئی آر درج نہ کی گئی تو ہم قومی اسمبلی میں آئی جی سندھ کے خلاف تحریکِ استحقاق لائیں گے۔
Visited Brigade PS with many MPA’s of KHI & demanded that FIR be immediately cut against Maryam & Safdar Awan + other goons of PMLN who broke the law & showed disrespect at Quaid’s mazar! If FIR is not registered tonight, we will move a privilege motion against IG Sindh in the NA
— Ali Haider Zaidi (@AliHZaidiPTI) October 18, 2020
گزشتہ روز کے علی زیدی کے پیغام کے بعد آج صبح صبح مریم نواز نے ٹویٹ کرتے ہوئے عوام کو آگاہ کیا کہ کراچی کے جس ہوٹل میں کیپٹن صفدر اور اہلیہ (مریم نواز) رہائش پذیر تھے، پولیس نے اس کا دروازہ توڑ کر کیپٹن صفدر کو گرفتار کیا۔
Police broke my room door at the hotel I was staying at in Karachi and arrested Capt. Safdar.
— Maryam Nawaz Sharif (@MaryamNSharif) October 19, 2020
مریم نواز کے پولیٹیکل سیکریٹری ذیشان ملک نے بھی ٹوئٹر پر کیپٹن صفدر کی گرفتاری کی تصدیق کرتے ہوئے اس کمرے کے دروازے کی ویڈیو شیئر کی جہاں سے کیپٹن صفدر کو آج علی الصبح گرفتار کیا گیا۔
کراچی ہوٹل کا کمرہ توڑ کر کپٹین صفدر ,صاحب کو گرفتارکیا گیا pic.twitter.com/OksabWLDvp
— Zeeshan Malik (@ZeshanMalick) October 19, 2020
تھانہ بریگیڈ پولیس نے کیپٹن صفدر، مریم نواز اور 200 نامعلوم افراد کے خلاف مزارِ قائد کے تقدس کو پامال کرنے کا مقدمہ درج کر لیا ہے۔ مقدمے میں مزارِ قائد ایکٹ کی خلاف ورزی کی دفعات شامل ہیں۔
یاد رہے کہ مریم نواز کے شوہر اور مسلم لیگ (ن) کے سینئر رہنما کیپٹن(ر) صفدر کو کراچی کے ہوٹل سے گرفتار کر لیا گیا جس کی پولیس نے تصدیق کی جبکہ ن لیگی قیادت گرفتاری پر شدید احتجاج کر رہی ہے۔
ن لیگ کی نائب صدر مریم نواز کا کہنا تھا کہ کیپٹن (ر) صفدر کو کراچی پولیس نے ہوٹل کے کمرے کا دروازہ توڑ کر گرفتار کیا جبکہ تھانہ بریگیڈ پولیس نے سابق وزیرِ اعظم نواز شریف کے داماد کیپٹن (ر) صفدر کی گرفتاری کی تصدیق کی۔
مزید پڑھیں: کیپٹن صفدر ہوٹل سے گرفتار، ن لیگی قیادت کا شدید احتجاج
