گوگل نیوز پر ہمیں فالو کریںاسلام آباد: وفاقی وزیر برائے منصوبہ بندی و ترقیات اسد عمر نے کہا ہے کہ ملک بھر میں کورونا کیسز میں اضافہ تشویشناک ہے، اگر پابندیاں لگائی گئیں تو عوام کا روزگار متاثر ہوسکتا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ منصوبہ بندی اسد عمر نے کہا کہ کورونا وائرس کے مثبت کیسز مظفر آباد میں بے حد بڑھ گئے ہیں جبکہ کراچی، لاہور اور اسلام آباد میں صورتحال بدستور تشویشناک ہے۔
پیغام میں وزیرِ منصوبہ بندی اسد عمر نے کہا کہ آج ہم سب کیلئے وقت ہے کہ کورونا وائرس پر سنجیدگی کا مظاہرہ کریں، بصورتِ دیگر حکومت کو سخت سے سخت اقدامات اٹھانا ہوں گے جس کا عوام کے روزگار پر منفی اثر پڑے گا۔
Covid positivity is extremely high in muzaffarabad, remains high in karachi, rising in lahore & Islamabad. Time for all of us to take covid sop's seriously again. Otherwise, unfortunately we may have to take restrictive actions which have negative effects on peoples livelihoods
— Asad Umar (@Asad_Umar) October 15, 2020
وفاقی وزیر اسد عمر نے کہا کہ قومی سطح پر کورونا وائرس کیسز مثبت آنے کی شرح 2 اعشاریہ 37 فیصد رہی جو گزشتہ 50 روز سے زیادہ ہے۔ یہی سطح رواں برس 23 اگست کو ریکارڈ کی گئی تھی۔
اسد عمر نے کہا کہ رواں ہفتے کورونا وائرس سے اموات کی شرح 11 فرد روزانہ ہے جو اگست کے دوسرے ہفتے کے بعد سب سے زیادہ ہے۔ یہ کورونا وائرس کیسز میں اضافے کی ایسی علامات ہیں جو نظر انداز نہیں کی جاسکتیں۔
National positivity of covid cases was 2.37% yesterday. This is the highest positivity in more than 50 days. Last time this level was seen on aug 23. First 4 days of this week covid deaths average is 11 per day..highest since week of Aug 10th. Unmistakable signs of rise of corona
— Asad Umar (@Asad_Umar) October 15, 2020
یہ بھی پڑھیں: کورونا کی دوسری لہر پر احتیاطی اقدامات کی ضرورت ہے، اسد عمر
