گوگل نیوز پر ہمیں فالو کریںاسلام آباد: وزیرِ اعظم عمران خان آج ماحولیات پر اقوامِ متحدہ کے اجلاس کی صدارت کریں گے جس کی تصدیق معاونِ خصوصی نے کی ہے۔
تفصیلات کے مطابق وزیرِ اعظم کے معاونِ خصوصی برائے ماحولیاتی تبیلی ملک امین اسلم نے تصدیق کی ہے کہ وزیرِ اعظم آج اقوامِ متحدہ کے ماحولیاتی سیشن کی صدارت کریں گے۔ فورم میں شریک ممالک آئندہ 10 سال کیلئے اپنے ماحولیاتی اہداف اجلاس کے دوران اقوامِ متحدہ کے سامنے رکھیں گے۔
وزیرِ اعظم عمران خان اقوامِ متحدہ فورم کو ملک بھر میں 9 نیشنل پارکس کی تعمیر، 10 بلین سونامی منصوبے میں وسیع پیمانے پر شجر کاری اور ماحولیاتی تبدیلیوں کے چیلنجز پر پاکستان کے ردِ عمل سے آگاہ کریں گے۔
معاونِ خصوصی ملک امین اسلم کے بیان کے مطابق وزیرِ اعظم عمران خان ترقی پذیر ممالک کی آواز بن گئے ہیں۔ اقوامِ متحدہ میں ماحولیات کے حوالے سے ترقی پذیر ممالک کی نمائندگی کیلئے شاندار ماحولیاتی پالیسیوں کی بدولت عالمی فورم کی سربراہی کریں گے۔
یہ بھی پڑھیں: سعید غنی کے دورے، 1 اسکول سیل کرنے کے احکامات جاری
