گوگل نیوز پر ہمیں فالو کریںاسلام آباد :وفاقی دارالحکومت کے سیکٹر ایچ 13 میں احتجاجی کیمپ ختم کر دیا گیا ،ایم ایم نیوز کی خبر پر ایکشن لیتے ہوئے حلقہ این اے 54 کے ایم این اے اسد عمر نے فوری طور پر مظاہرین کے مطالبات ترجیح بنیادوں پر حل کرنے کا وعدہ کرلیا ہے۔
تین روز قبل سیکٹر ایچ 13 کے رہائشیوں نے بنیادی سہولیات نہ ہونے پر شاہراہ کشمیر ہائی وے پر احتجاج کیا تھا جس میں الیکشن سے قبل کئے گئے وعدوں کی یاد دہانی کے لیے احتجاجی کیمپ لگایا گیا تھا جس میں علاقے کے مسائل کے حوالے سے بتایا گیا تھا کہ علاقے میں پانی بجلی گیس کی فراہمی کا نظام، ڈاکخانہ ،ڈسپنسری اور اسکول موجود نہیں ۔
مظاہرین نے اپنے منتخب عوامی نمائندے سے مطالبہ کیا کہ آپ نے الیکشن سے قبل جو وعدے کیے تھے اب ان کی تکمیل کا وقت آگیا ہے کیونکہ پی ٹی آئی کی حکومت کو بنے ہوئے بھی دو سال کا عرصہ گزر چکا ہے۔
مظاہرین کے احتجاج پر پی ٹی آئی کے رکن قومی اسمبلی و وفاقی وزیر اسد عمر نے مسائل حل کرنے کا عندیہ دیا ہے جس کے بعد احتجاج ختم کردیا گیا ہے۔
مزید پڑھیں: 8سالہ بچی سے زیادتی، اسلام آباد پولیس نے واقعہ کو کمائی کا ذریعہ بنالیا
