گوگل نیوز پر ہمیں فالو کریںاسلام آباد :نیب کی جانب سے ریفرنس دائر نہ کرنے کی وجہ سے احتساب عدالت نے سابق وزیر اعظم شاہد خاقان عباسی کے خلاف ایل این جی کیس کی سماعت ملتوی کردی۔
مسلم لیگ ن کے مرکزی رہنماء اور سابق وزیر اعظم شاہد خاقان عباسی نے کہا ہے کہ ان کی پارٹی کا ایک ہی موقف رہا ہے کہ قومی احتساب بیورو کو تحلیل کرنا چاہئے ورنہ یہ پاکستان کو تباہ کردیگا۔
سابق وزیر اعظم نے میڈیا سے گفتگو کرتے ہوئے کہا کہ اس وقت ہر ادارے کو زوال کا سامنا ہے اور لوگ پریشانی کا شکار ہیں۔
ایل این جی کیس پر تبصرہ کرتے ہوئے انہوں نے کہا کہ انکوائری دو سالوں سے جاری ہے لیکن ابھی تک ریفرنس داخل نہیں کیا گیا۔
شاہد خاقان عباسی نے کہا کہ میں نے اپنے کنبے اور اپنا ہر معاملہ نیب کے حوالے کیا، میں نے اور میرے بیٹے نے ہمارے کھاتوں کے ذریعہ ٹیکس ادا کیا، انہوں نے کہا کہ مسلم لیگ (ن) نے نیب کو اس لئے تحلیل نہیں کیا کیوں کہ کوئی ایک جماعت یہ نہیں کرسکتی اس کیلئے تمام جماعتوں کا اتفاق ضروری ہے۔
انہوں نے کہا کہ موجودہ حکومت دو سالوں میں کسی بھی ادارے کا سربراہ مقرر نہیں کرسکی،کوئی بھی افسر اس حکومت کے لئے کام کرنے کو تیار نہیں ہے۔
مزید پڑھیں:رمضان شوگر ملز کیس میں شہباز شریف اور حمزہ شہباز پر فرد جرم عائد
