سینئر صحافی مطیع اللہ جان فتح جنگ سے بازیاب، گھر پہنچ گئے

اسلام آباد: آج صبح شہر اقتدار سے اغواء ہونیوالے سینئر  صحافی مطیع اللہ جان کونامعلوم اغواء کا رفتح جنگ کے قریب چھوڑ گئے،صحافی مطیع اللہ جان گھر پہنچ گئے۔

سینئر صحافی مطیع اللہ جان اسلام آباد سے لاپتہ ہوگئے تھے جبکہ مطیع اللہ جان کی اہلیہ کے مطابق ان کے شوہر کی گاڑی جی سکس میں ان کے اسکول کے پاس کھڑی پائی گئی ہے۔

سینئر صحافی مطیع اللہ جان کی اہلیہ نے اپنے بیان میں کہا تھا کہ مجھے بتایا گیا کہ میرے شوہرکو کچھ لوگ زبردستی اپنے ساتھ لے گئے۔پولیس کے مطابق مطیع اللہ جان کے لاپتا ہونے کے معاملے کی تحقیقات کررہے ہیں۔

مزید پڑھیں: سپریم کورٹ نے کورونا از خود نوٹس کیس میں این ڈی ایم اے کی رپورٹ مسترد کردی

صحافی مطیع اللہ جان کے ٹوئٹر اکاؤنٹ سے ایک ٹوئٹ کی گئی ہے جس میں ان کے بیٹے نے اپنے والد کے لاپتہ ہونے کی اطلاع دی تھی ۔مطیع اللہ جان کے بیٹے نے ٹوئٹ میں لکھا کہ میرے والد کو اسلام آباد سے اغوا کرلیا گیا ہے۔