گوگل نیوز پر ہمیں فالو کریںاسلام آباد: وزیرِ خارجہ شاہ محمود قریشی نے کہا ہے کہ قومی اسمبلی اور سینیٹ کے ممبران پر ہی یہ پابندی عائد ہے کہ وہ دوہری شہریت کے حامل نہیں ہوسکتے۔
شہرِ اقتدار میں دوہری شہریت کے معاملے پر گفتگو کرتے ہوئے وزیرِ خارجہ شاہ محمود قریشی نے کہا کہ جو شخص دوہری شہریت رکھتا ہو وہ قومی اسمبلی یا سینیٹ کا رکن نہیں بن سکتا لیکن آئینِ پاکستان کے تحت کسی اور شخص پر ایسی کوئی پابندی عائد نہیں ہے۔
وزیرِ خارجہ شاہ محمودقریشی نے کہا کہ اپنے اثاثے ظاہر کرنے کی روایت پاکستان تحریکِ انصاف (پی ٹی آئی) نے قائم کی جبکہ ہمیں یہ سمجھنا ہوگا کہ دوہری شہریت کے معاملے پر ملک کا آئین کیا کہتا ہے۔ ممبرانِ قومی اسمبلی و سینیٹ کے علاوہ دوہری شہریت کی پابندی کسی اور عہدے پر عائد نہیں ہوتی۔
اپنی گفتگو جاری رکھتے ہوئے وزیرِ خارجہ شاہ محمود قریشی نے کہا کہ مفادات کے تضاد سے بچنے کیلئے کسی شخص نے کوئی واضح پالیسی نہیں اپنائی۔ میری رائے میں عوام کے منتخب نمائندے دیگر سے بہتر ہیں۔ تاہم، زندگی کے مختلف شعبہ جات کے ماہرین بھی اہم عہدوں پر فائز ہیں۔
یہ بھی پڑھیں: معاونین خصوصی اور مشیروں کے اثاثوں کی تفصیلات جاری
