گوگل نیوز پر ہمیں فالو کریںسماجی رابطے کی ویب سائٹ ٹوئٹر ہیکرز کے ہتھے چڑھ گئی، ٹوئٹر پر ہیکرز نے جارحانہ حملہ کرتے ہوئے ملازمین اور اندرونی ٹولز تک رسائی حاصل کر لی جس سے صارفین کی ذاتی معلومات داؤ پر لگ گئی ہیں۔
اپنے پیغام میں صارفین کو ہیکرز کے حملے سے آگاہ کرتے ہوئے ٹوئٹر سپورٹ نے کہا کہ ہمیں ٹوئٹر پر ہونے والے سوشل انجینئرنگ اٹیک کا پتہ چلا ہے۔ کچھ لوگوں نے کامیابی سے ہمارے کچھ ملازمین کو نشانہ بناتے ہوئے ہمارے اندرونی سسٹم اور ٹولز تک رسائی حاصل کر لی۔
We detected what we believe to be a coordinated social engineering attack by people who successfully targeted some of our employees with access to internal systems and tools.
— Support (@Support) July 16, 2020
صارفین کی مدد کرنے والی ٹوئٹر سپورٹ ٹیم نے کہا کہ ہمیں معلوم ہے کہ ان لوگوں نے بہت سی نامور شخصیات کے اکاؤنٹس تک رسائی حاصل کر لی ہے۔ ہم اس معاملے کو دیکھ رہے ہیں کہ انہوں نے صارفین کی کون کون سی معلومات تک رسائی حاصل کی۔ جیسے جیسے ہمیں پتہ چلتا رہے گا، آپ کو بتاتے رہیں گے۔
We know they used this access to take control of many highly-visible (including verified) accounts and Tweet on their behalf. We’re looking into what other malicious activity they may have conducted or information they may have accessed and will share more here as we have it.
— Support (@Support) July 16, 2020
ٹوئٹر سپورٹ ٹیم نے کہا کہ واقعے کی تفصیلات کا علم ہوتے ہی ہم نے فوری طور پر متاثرہ اکاؤنٹس کو لاک ڈاؤن کردیا اور حملہ آوروں کے پوسٹ کیے ہوئے ٹوئٹر پیغامات ڈیلیٹ کردئیے۔
Once we became aware of the incident, we immediately locked down the affected accounts and removed Tweets posted by the attackers.
— Support (@Support) July 16, 2020
سپورٹ ٹیم نے کہا کہ ہم نے بہت بڑی تعداد میں ٹوئٹر اکاؤنٹس کی استعداد کو محدود کردیا جن میں مصدقہ اکاؤنٹس بھی شامل ہیں جبکہ ہم واقعے پر مزید تحقیقات جاری رکھے ہوئے ہیں۔
We also limited functionality for a much larger group of accounts, like all verified accounts (even those with no evidence of being compromised), while we continue to fully investigate this.
— Support (@Support) July 16, 2020
یہ بھی پڑھیں: ورلڈ انڈیکس نے بد ترین پاسورڈز کی فہرست جاری کردی
