گوگل نیوز پر ہمیں فالو کریںکراچی : پاکستان مسلم لیگ ق سندھ کے صدر محمد طارق حسن نے کہا کہ کسی بھی صورت میں آزادی اظہار اور ریاست کے چوتھے ستون پر کوئی قدغن برداشت نہیں کی جائے گی،عوام تک معلومات پہنچانے والے اداروں کے ساتھ کوئی نا انصافی قابل قبول نہیں ۔
انہوں نے کہا سابق وزیراعظم و مسلم لیگ ق کے مرکزی صدر چوہدری شجاعت حسین نے جمہوری اقدار کے لئے ہمیشہ آواز بلند کی ،ان کا وزیراعظم کو حالیہ خط اس بات کا عکاس ہے ۔
خط کے متن میں وزیراعظم پاکستان عمران خان کو کہا کہ وہ پہلے بھی میر شکیل الرحمٰن کی گرفتاری کے حوالے سے آگاہ کرچکے ہیں اور اب 24 نیوز چینل کی بندش سے یہ تاثر پیدا ہو رہا ہے کہ ریاست کے چوتھے ستون کو نشانہ بنایا جارہا ہے جس سے صرف دوریاں پیدا ہوں گی ۔
سندھ کے صدر محمد طارق حسن نے کہا چوہدری شجاعت نے ہمیشہ سچ کا ساتھ دیا اور جمہوریت کو بچانے کی ہر ممکن کوشش کی ہم انہیں خراج تحسین پیش کرتے ہیں اور مسلم لیگ ق کے تمام کارکن ان کی ایک آواز پر ان کے پیچھے ہیں ۔
پاکستان مسلم لیگ (ق) سندھ کے سیکریٹری اطلاعات محمد صادق شیخ اور فیصل علی بلوچ نے کہا کہ 24 نیوز چینل کی بندش کسی طور قابل قبول نہیں ،پیمرا فوری طور پر پابندی ہٹانے کے احکامات دے اور آزادی رائے سے کسی کو نہ روکا جائے ۔
ماسوائے اس کے کہ ملک کے خلاف یا افواج پاکستان یا قومی معاملات پر کوئی غلط پراپیگنڈہ نہ کرے ،آزادی اظہار کو سلب کرنا جمہوری اقدار کے منافی ہے۔
مزید پڑھیں: انصاف ڈاکٹرز فورم نے حکومت کے کورونا ہیلتھ فنڈز کی تقسیم غیر منصفانہ قرار دے دی
