پاکستان میں کورونا وائرس سے 2 لاکھ 37 ہزار489 افراد متاثر، 4 ہزار 922 جاں بحق

 اسلام آباد: پاکستان میں کورونا وائرس سے 2 لاکھ 37ہزار489 افراد متاثر ہوئے جبکہ وائرس کے باعث جاں بحق ہونے والوں کی تعداد 4ہزار 922 ہو گئی ہے۔ 

سرکاری اعدادوشمار کے مطابق گزشتہ 24 گھنٹوں کے دوران وائرس کے 2ہزار 980نئے کیسز کی تصدیق ہوئی جبکہ وائرس کے باعث  83مزید پاکستانی شہری زندگی کی بازی ہار گئے۔ 

کورونا وائرس کی تشخیص کیلئے اب تک14 لاکھ67ہزار 104ٹیسٹ کیے گئے جبکہ گزشتہ 24 گھنٹوں کے دوران کیے جانے والے ٹیسٹس کی تعداد21ہزار951ہے۔

ہر گزرتے روز کے ساتھ پاکستان بھر میں کورونا وائرس سے متاثرہ نئے کیسز کی تصدیق ہو رہی ہے جبکہ وائرس کے باعث ہونے والی ہلاکتوں میں بھی اضافہ ہورہا ہے۔ 

سندھ میں کورونا وائرس کے97 ہزار626، پنجاب میں 83ہزار 599، خیبرپختونخوا میں 28ہزار 681، بلوچستان میں 10ہزار 919، آزاد کشمیر میں 1 ہزار 419، گلگت بلتستان میں1 ہزار 595جبکہ اسلام آباد میں 13 ہزار 650کیسز کی تصدیق ہوئی۔

 پاکستان بھر میں کورونا وائرس کے مجموعی طور پر91ہزار 602فعال کیسز کی تصدیق ہوئی جبکہ1 لاکھ 40ہزار 965افراد کورونا وائرس سے صحت یاب ہوچکے ہیں۔گزشتہ 24 گھنٹوں میں 6 ہزار 8افراد صحتیاب ہوئے۔

وائرس کے باعث سب سے زیادہ اموات پنجاب اور سندھ میں ہوئیں۔ پنجاب میں 1 ہزار 929افراد کورونا وائرس کے باعث زندگی کی بازی ہار گئے جبکہ سندھ میں 1 ہزار 614افراد جاں بحق ہوئے۔

خیبر پختونخوا میں کورونا وائرس کے باعث1 ہزار45،آزاد کشمیر میں 40، گلگت بلتستان میں 30، اسلام آباد میں140 جبکہ بلوچستان میں 124افراد جاں بحق ہوئے۔

یہ بھی پڑھیں: کورونا سے ہر موت پر 25 لاکھ وصولی کا الزام