گوگل نیوز پر ہمیں فالو کریںاسلام آباد: وفاقی حکومت نے پیٹرولیم مصنوعات کی قیمتوں میں 10روپے کی کمی پر غور شروع کر دیا ہے۔ پیٹرولیم مصنوعات پر لیوی میں 10 روپے فی لیٹر کمی کا امکان ہے۔
وفاقی حکومت نے چندروز قبل ملک میں پیٹرولیم قیمتیں ریکارڈ 25 روپے 58 پیسے تک بڑھا دی تھیں۔ پیٹرولیم قیمتوں میں اضافے کے بعدملک میں پیٹرول کی فی لیٹرقیمت 100 روپے 10 پیسے ہو گئی تھی۔
ہائی اسپیڈ ڈیزل کی قیمت میں 21 روپے 31 پیسے ، مٹی کا تیل 23 روپے 50 پیسے اور لائٹ ڈیزل 17 روپے 84 پیسے فی لیٹر مہنگا ہوگیا تھا۔ وفاقی حکومت کی جانب سے عالمی مارکیٹ میں تیل کی قیمتوں میں اضافے کو قیمتیں بڑھانے کی وجہ قرار دیا گیا تھا۔
واضح رہے کہ دنیا بھر میں کورونا کی وجہ سے تیل کی کھپت کم ہونے سے عالمی منڈی میں قیمتیں تاریخ کی کم ترین سطح پر پہنچ گئی تھیں جس کے بعد پاکستان میں بھی پیٹرولیم قیمتوں میں کمی کی گئی تھی۔ حکومت نے کورونا کے باعث پیٹرولیم مصنوعات 56 روپے 89 پیسے فی لیٹر تک سستی کی تھیں۔
مزید پڑھیں:اب تھوڑا گھبرالیں ؟
