بجٹ سے مایوسی کے اثرات ختم، اسٹاک مارکیٹ میں تیزی،195 پوائنٹس کا اضافہ

کراچی: پاکستان اسٹاک ایکسچینج میں مایوس کن صورتحال کے بعد سرمایہ کاروں نے مارکیٹ کار خ کرلیا، کاروبار میں تیز ی کے ساتھ 100 انڈیکس میں 195 پوائنٹس کا اضافہ دیکھا گیا۔

ملک میں کورونا وائرس کی وباء، کاروبارمیں سست روی اوروفاقی بجٹ کے بعد مارکیٹ میں مایوسی کے بادل چھٹ گئے، سرمایہ کاروں نے ایکبار پھر اسٹاک مارکیٹ کی طرف توجہ مبذول کرلی۔

منگل کو دوسرے کاروباری روز کاروبار کے آغاز میں انڈیکس میں تیزی دیکھی گئی تاہم جلد ہی فروخت کا دباؤ ابھر کر سامنے آیا جس نے ابتدائی تیزی کے بعد انڈیکس کو نیچے کی دھکیل دیا۔

تیل کی عالمی قیمتوں میں اضافے اور بین الاقوامی اسٹاک مارکیٹوں میں تیزی کے بعد سرمایہ کاروں کا اعتماد بحال ہوا۔ کاروبار کے اختتام پرکے ایس ای 100 انڈیکس میں 194.61 پوائنٹس اضافے کے بعد 34019.12 پوائنٹس پر بند ہوا۔