شہباز شریف کو بھینسوں کے پیچھے چھپنا پڑرہا ہے،بوکھلاہٹ تو ہوگی، شہباز گل

اسلام آباد:وزیراعظم عمران خان کے معاون خصوصی برائے سیاسی روابط ڈاکٹر شہباز گل نے کہا ہے کہ شہباز شریف کی کرپشن دھیلے کی نہیں بہت زیادہ ہے، آپ نے اربوں روپے کی کرپشن کی ہے۔

انہوں نے کہا کہ کبھی یہ اس کرپشن کا الزام ان لوگوں پر ڈال دیتے ہیں جو دنیا سے چلے گئے۔شہباز شریف کورونا پرسیاست کرنے آئے تھے، بھینسوں کے پیچھے چھپنا پڑرہا ہے بوکھلاہٹ تو ہوگی۔

انہوں نے کہا کہ پرویز مشرف سے معافی مانگ کر بیرون ملک فرار ہونا آپ کا ماضی ہے، ارسطو صاحب بتائیں گے کہ شہزادہ مقرن اور سعد الحریری کن کے ضامن تھے۔

انہوں نے سوال اٹھایا کہ جب معافی نامے کی خلاف ورزی کی تو آپ کو لینے یہ دونوں پاکستان کیوں آئے تھے؟۔ شہباز گل نے کہا کہ مشرف دورمیں معافی نامہ لکھ کر فرار ہونے والے اسی قسم کی ڈیل کے خواہاں ہیں۔

شہباز گل کا کہنا تھا کہ ان کو لاک اپ میں رکھیں تو پریشان ہوتے ہیں، شہباز گل نے کہاکہ رانا ثناء سیاسی مافیا ہیں، سیاسی مافیاؤں کی مونچھوں پر تاؤ ہوتا ہے آگے پیچھے گاڑیاں ہوتی ہیں۔