کراچی طیارہ حادثہ، کاک پٹ وائس ریکارڈرکی تلاش کا دائرہ وسیع کردیا گیا

کراچی: کراچی طیارہ حادثہ، کاک پٹ وائس ریکارڈرکی تلاش کا دائرہ وسیع کردیا گیا، جدید تکنیکی آلات کی مدد سے فرانزک طریقے سے تحقیقات کی جائیں گی۔

ذرائع کے مطابق کاک پٹ وائس ریکارڈر کی تلاش کا دائرہ وسیع کیا جائے گا، وائس ریکارڈر کی تلاش، عمارتوں کی خصوصی انسپیکشن کا ٹاسک بھی تحقیقاتی ٹیم کودے دیا گیا ہے۔

کاک پٹ وائس ریکارڈر کی تلاش کے لیے پی آئی اے انجینئرنگ،ٹیکنیکل گراؤنڈ سپورٹ اور سی اے اے ویجلنس کی خدمات بھی حاصل کی جائیں گی۔

ائیربس کی ٹیم جہاز گرنے کے مقام سے لے کر رن وے تک تحقیقات کو جاری رکھے گی جب کہ جائے حادثہ سے ائیرپورٹ منتقل کیے گئے ملبے سے مذید شواہد اکٹھے کیے جائیں گے۔

آج دوپہر کنٹرول ٹاور، اپروچ اور ریڈار کنٹرول کا دورہ کیا جائے گا،  سول ایوی ایشن ہیڈ کوارٹر اور پی آئی اے ہیڈ آفس میں بھی غیرملکی ماہرین کو خصوصی بریفنگ دی جائے گی,زرائع