گوگل نیوز پر ہمیں فالو کریںصوبہ پنجاب کے محکمۂ خوراک نے ذخیرہ اندوزوں کے خلاف کارروائی کرتے ہوئے شیخوپورہ میں گندم کی 22 ہزار 500 بوریاں برآمد کرلی ہیں۔
سماجی رابطے کی ویب سائٹ ٹوئٹر پر اپنے پیغام میں محکمۂ خوراک پنجاب نے بتایا کہ ذخیرہ اندوزوں کے خلاف کارروائی ضلع شیخوپورہ کے علاقے فیروز وٹواں میں کی گئی۔
محکمۂ خوراک پنجاب کے مطابق فیروز وٹواں میں گندم کے دو گوداموں پر چھاپہ مارا گیا جس کے دوران برآمد کی گئی 22500 بوری گندم ضبط کر لی گئی۔
گندم کو ضبط کرنے کے ساتھ ساتھ محکمۂ خوراک نے کارروائی کے بعد ذخیرہ اندوزی میں ملوث افراد کے خلاف کارروائی کرتے ہوئے ان کے گوداموں کو سیل کردیا۔
پنجاب میں ذخیرہ اندوزوں کے خلاف کریک ڈاؤن کے دوران مصنوعی مہنگائی پیدا کرنے والے عناصر اور اسمگلرز کے خلاف کارروائی جاری ہے۔
https://twitter.com/FDPunjab/status/1257171833092276225
