گوگل نیوز پر ہمیں فالو کریںاسلام آباد: وفاقی وزیر برائے سائنس و ٹیکنالوجی فواد چوہدری نے کہا ہے کہ اسلام کو انتہا پسندی کے رویے سے بچانا دین کی خدمت ہے۔
سماجی رابطے کی ویب سائٹ ٹوئٹر پر سینئر صحافی انصار عباسی کے پیغام کا جواب دیتے ہوئے وفاقی وزیر فواد چوہدری نے کہا کہ اسلام روشن خیال مذہب ہے جبکہ ہماری بدقسمتی یہ ہے کہ معتدل مزاج لوگ انتہا پسندوں کے ہاتھوں یرغمال بنے ہوئے ہیں۔
وفاقی وزیر برائے سائنس و ٹیکنالوجی نے کہا کہ معتدل مزاج لوگوں کی خاموشی کی وجہ سے اسلام پر شدت پسند تشریحات مسلط ہوجاتی ہیں جبکہ اسلام کو انتہا پسندی سے بچانا دین کی خدمت ہے جو میرے جیسے لوگ انجام دے رہے ہیں۔
اسلام روشن خیال مذہب یہ بدقسمتی ہے کہ معتدل لوگ انتہاپسندوں کے ہاتھوں یرغمال ہیں اور ان کی خاموشی کی وجہ سے شدت پسند تشریح مسلط ہو جاتی ہے، اسلام کو انتہا پسندی سے بچانا دین کی خدمت ہے جو میرے جیسے لوگ انجام دے رہے ہیں۔ https://t.co/Bgdqb0ZmNj
— Ch Fawad Hussain (@fawadchaudhry) May 1, 2020
سینئر صحافی انصار عباسی نے کہا کہ میڈیا نے ناچنے گانے والوں کو ہمارا ہیرو بنا دیا ہے اور غیر مسلم بھارتی فلم اسٹارز کو ہم اپنے بچوں کا رول ماڈل بناتے جا رہے ہیں۔ بھارتی فنکار کے مرنے پر افسوس کیا جارہا ہے۔ کیا کسی عالمِ دین، مسلم رہنما اور شہید کی شہادت پر ایسا کیاجاتا ہے؟
وزیرِ سائنس و ٹیکنالوجی فواد چوہدری نے کہا کہ یہ بیان آپ کے انتہا پسندانہ نظریات کی عکاسی ہے۔ حقیقت یہ ہے کہ زندگی مختلف شعبوں کے امتزاج سے بنتی ہے۔ جو لوگ فن کی دنیا سے وابستہ ہیں، ترقی یافتہ ذہن ان کی قدر کرتے ہیں۔
فواد چوہدری نے کہا کہ عالمِ دین ہوں یا رہنما، ہر ایک زندگی کے اسٹیج پر ایک اداکار ہے اور اپنا اپنا کردار ادا کرکے رخصت ہوجاتا ہے۔
یہ بیان آپ کی انتہا پسندانہ نظریات کی عکاسی ہے، حقیقت یہ ہے کہ زندگی مختلف شعبوں کے امتزاج سے بنتی ہے جو لوگ فن کی دینا سے وابستہ ہیں توقی یافتہ ذہن ان کی قدر کرتےہیں عالم دین ہوں، سائنسدان یا لیڈر ہر ایک زندگی کے اسٹیج پر ایک اداکار ہے اور اپنا کردار ادا کرتا ہے، https://t.co/ru9F3QxLvA
— Ch Fawad Hussain (@fawadchaudhry) May 1, 2020
