گوگل نیوز پر ہمیں فالو کریںکراچی:رکنِ سندھ اسمبلی عدیل احمد نے کورونا وائرس کے باعث ہونے والے لاک ڈاؤن کے دوران مستحقین کی مدد کیلئے آٹے کا تھیلا سر پر اٹھا لیا جس کی تصویر سوشل میڈیا پر جاری کردی گئی ہے۔
سماجی رابطے کی ویب سائٹ ٹوئٹر پر اپنے پیغام میں تحریکِ انصاف کے سوشل میڈیا ایکٹیوسٹ گوہر معصوم نے رکنِ سندھ اسمبلی عدیل احمد کی تصویر شیئر کرتے ہوئے کہا کہ یہ کوئی عام انسان نہیں بلکہ وزیرِ اعظم عمران خان کا سچا سپاہی ہے۔
پاکستان تحریکِ انصاف کے سوشل میڈیا ایکٹیوسٹ نے کہا کہ رکنِ سندھ اسمبلی عدیل احمد مشکل وقت میں خود کاندھے پر راشن رکھ کر رات کی تاریکی میں متاثرین کے گھر پہنچا رہے ہیں جو ان کی سادگی کی بہترین مثال ہے۔
یہ کوئی عام انسان نہیں بلکہ وزیراعظم عمران خان کا سچا سپاہی ایم پی اے عدیل احمد ہے جو اس مشکل وقت میں خد کھندے پر راشن رکھ کر رات کی تاریکی میں متاثرین کے گھر پہنچا رہاہے سادگی کی مثال @AdeelAhmedSays @PTI_KHI pic.twitter.com/rDCN0nlGgl
— Gohar Masoom (گوہر_نایاب) (@GoharMasoom) April 4, 2020
