گوگل نیوز پر ہمیں فالو کریںاسلام آباد: وفاقی وزیر برائے ماحولیاتی تبدیلی زرتاج گل وزیر نے کہا ہے کہ پیپلز پارٹی کی سندھ حکومت وفاق سے کورونا ریلیف کے پیسے مانگ رہی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ ماحولیاتی تبدیلی زرتاج گل وزیر نے کہا کہ کورونا ریلیف کے لیے کس حساب میں سندھ حکومت کو پیسے دئیے جائیں اور عوام کو نہ دئیے جائیں جبکہ پیپلز پارٹی کی قیادت عالمی شہرت رکھتی ہے۔
وفاقی وزیر برائے ماحولیاتی تبدیلی نے کہا کہ منی لانڈرنگ کے فن میں پیپلز پارٹی کے سیاسی اکابرین مہارت اور عالمی شہرت رکھتے ہیں جبکہ سندھ حکومت کو چاہئے کہ کورونا وائرس کیلئے صوبے سے فنڈز اکٹھے کرے۔
وزیرِ ماحولیاتی تبدیلی زرتاج گل وزیر نے کہا کہ پیپلز پارٹی کی سندھ حکومت کی حالت یہ ہے کہ صوبے سے فندز اکٹھے نہیں کرسکتے کیونکہ صوبے کے عوام کو اب پیپلز پارٹی کی سندھ حکومت پر کوئی بھروسہ نہیں رہا۔
پیپلزپارٹی کی سندھ حکومت وفاق سے پیسے مانگ رہی ہے کورونا ریلیف کے لئے!!
کس حساب میں انہیں دیں، اور لوگوں کو نہ دیں؟ ان کے سیاسی اکابرین تو مہارت، عالمی شہرت رکھتے ہیں منی لانڈرنگ کے فن میں!
حالت تو ان کی یہ ہے کہ صوبے سے فنڈ اکٹھے نہیں کر سکتے، کیونکہ کسی کو ان پر بھروسہ نہیں۔
— Zartaj Gul Wazir (@zartajgulwazir) April 2, 2020
یاد رہے کہ اس سے قبل وزیر اعلیٰ سندھ نے کہا کہ کورونا وائرس کیسز کی تعدادبڑھ رہی ہے ، اس میں مقامی منتقلی کے 293 کیسز شامل ہیں جبکہ 30 مارچ تک کیسز کی تعداد 566 تھی اس سے یہ پتہ چلتا ہے کہ گذشتہ 24 گھنٹوں کے دوران 61کیسزکا اضافہ ہوا ہے۔
یہ بات انہوں نے 31 مارچ کو وزیراعلیٰ ہاؤس میں صوبے میں کورونا وائرس پر قابو پانے کے لئے حکومت کی مجموعی کوششوں کا جائزہ لیتے ہوئے کہی۔انہوں نے کہا کہ سندھ میں کورونا وائرس کے 627 تصدیق شدہ کیسز رپورٹ ہوئے ہیں۔
مزید پڑھیں: سندھ میں کورونا کے 61کیسزکا اضافہ ہوا۔مراد علی شاہ
