سیکورٹی فورسزکارا کے گرفتار ملزمان کی اطلاع پر کراچی یونیورسٹی کے دفتر پر چھاپہ

کراچی : بھارتی خفیہ ایجنسی را کے گرفتار ملزمان سے تحقیقات کے تناظر میں کراچی یونیورسٹی کے ایک دفتر پر اداروں کا چھاپہ، اسلحہ اور سامان برآمد کرلیا گیا۔

باخبر ذرائع کے مطابق چھا پے کے دوران ایک مشین گن 2 پستول اور گولیاں برآمد کر لی گئیں۔ کمپیوٹر اور لیپ ٹاپ اور ملک کے خلاف ذہن سازی کا لٹریچر بھی برآمد ہوا ہے۔

ذرائع کے مطابق ملزم ماجد نے اپلائیڈ اکنامکس ریسرچ سینٹر میں اپنا آفس بنا رکھا تھا۔گروہ کے سرغنہ شاہد متحدہ کی ہدایت پر آفس بنایا گیا تھا۔

مزید پڑھیں: پولیس کا امتیاز سپر اسٹور پر چھاپہ، ذخیرہ کئے گئے ماسک اور سینیٹائزر برآمد

کارروائی جے آئی ٹی میں انکشافات کے بعد کی گئی ایف آئی اے نے ملزمان کے زیراستعمال آئی پی کی جانچ پڑتال کر لی ۔ملزمان کو بھارت سے تخریب کاری کے لیے ہدایات ملتی تھی۔

ای میل ریکارڈ اور ڈیٹا بھی تحویل میں لے لیا گیا ملزمان شاہد متحدہ، عادل انصاری، اور ماجد کے گھروں پر بھی چھاپے اور تلاشی لی گئی ہے۔

ملک کی اہم تنصیبات کی تصاویر نقشے اور چیک بکس برآمد کیئے گئے ہیں ۔ایس آئی یو پولیس اور ایف آئی اے نے کارروائیاں تیز کر دیں۔تحقیقات کا دائرہ مزید وسیع کر دیا گیا ۔