گوگل نیوز پر ہمیں فالو کریںجنیوا: کورونا وائرس سے دنیا بھر میں 8 لاکھ 58 ہزار سے زائد افراد متاثر جبکہ 42 ہزار158 افراد ہلاک ہو گئے ہیں۔
دنیا کے 190 سے زائد ممالک میں کورونا وائرس سے مجموعی طور پر 8 لاکھ 58 ہزار 892 افراد متاثر ہوئے جبکہ گزشتہ 24 گھنٹوں کے دوران 5 ہزارسے زائد اموات ہوئیں۔
کورونا وائرس سے متاثرہ 32 ہزار 898 افراد کی حالت تشویش ناک ہے جبکہ 6 لاکھ 5 ہزار 736افراد کو کورونا وائرس کے باعث کھانسی، نزلہ زکام اور سانس میں ہلکی پھلکی تکلیف کا سامنا ہے۔
وائرس سے متاثرہ 8 لاکھ 58 ہزار سے زائد افراد میں سے 1 لاکھ 78 ہزار 100 افراد مرض سے صحت یاب ہوچکے ہیں تاہم وائرس سے متاثرہ افراد کی تعداد میں ہر روز اضافہ ہورہا ہے۔
چین سے جنم لینے والا کورونا وائرس امریکا اور برطانیہ سمیت متعدد یورپی ممالک، پاکستان، ایران، بھارت اور افغانستان سمیت متعدد ایشیائی ممالک اور دیگر براعظموں میں پھیل گیا ہے۔
سب سے زیادہ کورونا وائرس کے کیسز امریکا میں رپورٹ ہوئے جہاں 1 لاکھ 88 ہزار 578 افراد کورونا وائرس کا شکار ہوئے جبکہ اموات کی تعداد 3 ہزار 890 ہو گئی ہے۔
اٹلی میں کورونا وائرس کے باعث سب سے زیادہ اموات ہوئیں۔ملک میں اب تک 12 ہزار 428 سے زائد افراد کورونا وائرس کا شکار ہو کر جان کی بازی ہار گئے ہیں۔
یاد رہے کہ اس سے قبل پاکستان میں کورونا وائرس کی وجہ سے ہلاکتوں کی تعداد میں اضافہ دیکھنے میں آیا۔ ایک اور مریض کی ہلاکت کے بعد ملک بھر میں ہلاکتوں کی تعداد 26 ہوگئی جبکہ کورونا سے متاثرین کی تعداد 1975ہوگئی۔
سندھ میں 676 ، بلوچستان میں 153 ، پنجاب میں 652 ، خیبرپختونخوا میں 221 ، گلگت بلتستان میں 148 ، اسلام آباد میں 58 اور آزادکشمیر میں چھ افراد کورونا سے متاثر ہونے کے بعد زیر علاج ہیں۔
مزید پڑھیں: پاکستان میں کورونا وائرس کے باعث 26افراد ہلاک ہو گئے
