کراچی کے بلدیاتی اداروں کے ملازمین ڈیوٹی پر طلب

کراچی : سندھ حکومت نے کراچی کے بلدیاتی اداروں کے ملازمین کو ڈیوٹی پر طلب کر لیا، حکومت سندھ کے محکمہ بلدیات نے تمام ضلعی بلدیات ڈی ایم سیز کے میونسپل کمشنرز ، چیف آفیسرز، تمام افسران اور ماتحت عملےکو حکم دیا ہے کہ وہ فوری طور پر ڈیوٹی پر حاضر ہوں ۔

خصوصا” کورونا وائرس سے پیدا شدہ صورتحال میں اپنے فرائض انجام دیں ۔حکم نامہ نمبرDLG/17(1)/2017/P-3/422 ڈائریکٹر  بلدیات حکومت سندھ نے 31مارچ کوجاری کیا گیا ہے۔

مزید پڑھیں: بلدیہ غربی :کورونا وائرس روکنے کیلئے اسپرے مہم، عملے کی چھٹیاں منسوخ

جس میں کہا گیا ہے کہ بلدیاتی ملازمین کی ڈیوٹی کے حوالے سے قانون نافظ کرنے والے اداروں کو آگاہ کردیا گیا ہے۔ اور قانون نافظ کرنے والے اہلکار بلدیاتی ملازمین سے انکی ڈیوٹی میں تعاون کریں

واضح رہے کہ کورونا وائرس کی وجہ سے سندھ میں لاک ڈائون ہے جبکہ حکومت کی جانب سے عوام کو وبائی مرض سے بچانے کیلئے اقدامات کا سلسلہ جاری ہے۔

کراچی کے مختلف ڈی ایم سیز کی جانب سے عوام کو کورونا وائرس اور دیگر وبائی امراض سے بچانے کیلئے جراثیم کش ادویات کے اسپرے بھی کیا جارہاہے۔