اسلام آباد: پاکستانی قوم کورونا وائرس کو شکست دینے کے لیے پر عزم ہے، ہر 5 میں سے 4 پاکستانی کورونا وائرس کے خلاف قربانی دینے کے لیے تیار ہیں۔
سماجی رابطے کی ویب سائٹ ٹوئٹر پر گیلپ سروے کے نتائج شائع کیے گئے جن کے مطابق ہر 5 میں سے 4 پاکستانی اپنے کچھ انسانی حقوق کورونا وائرس کے خلاف جنگ میں قربان کرنے کو تیار ہیں۔
عالمی سروے کرنے والے ادارے گیلپ سروے کے مطابق ہر 5 میں سے 4 یعنی 78 فیصد پاکستانی کہتے ہیں کہ ہم وائرس کی روک تھام کے لیے اپنے انسانی حقوق قربان کردیں گے۔
Nearly 4 in 5 Pakistanis (78%) say they are willing to sacrifice some of their human rights in order to prevent the spread of coronavirus (Gallup International & Gallup Pakistan Snap Poll) #CoronaInPakistan #Covid_19 #COVID19Pakistan https://t.co/eDZfRfdh89 pic.twitter.com/GyalR6CPS2
— Gallup Pakistan (@GallupPak) March 30, 2020
یاد رہے کہ کورونا وائرس دُنیا بھر میں تیزی سے پھیل رہا ہے۔ اب تک کورونا وائرس سے 7 لاکھ 22 ہزار سے زائد افراد متاثر جبکہ 33ہزار 976 افراد ہلاک ہو گئے ہیں۔
دنیا کے 190 سے زائد ممالک میں کورونا وائرس سے مجموعی طور پر 7 لاکھ 22ہزار 196 افراد متاثر ہوئے جبکہ گزشتہ 24 گھنٹوں کے دوران 3 ہزار اموات ہوئیں۔
مزید پڑھیں: کورونا وائرس سے دُنیا بھر میں 33ہزار 976افراد ہلاک