گوگل نیوز پر ہمیں فالو کریںواشنگٹن: کورونا وائرس پر چین امریکا لفظی جنگ کا نیا موڑ آگیا ۔ امریکی صدر ڈونلڈ ٹرمپ چینی ہم منصب سے گفتگو کے بعد کورونا وائرس کو چائنیز وائرس کہنے سے گریز کرنے لگے ہیں۔
سماجی رابطے کی ویب سائٹ ٹوئٹر پر اپنے پیغام میں امریکی صدر ڈونلڈ ٹرمپ نے کہا کہ آج میں نے چینی ہم منصب ژی جن پنگ سے بہت اچھی گفتگو کی ہے۔
امریکی صدر ڈونلڈ ٹرمپ نے کہا کہ ہم نے کورونا وائرس کے حوالے سے بہت تفصیلی گفتگو کی جو ہمارے سیارے (زمین) کے بڑے حصے (190 سے زائد ممالک) کو متاثر کر چکا ہے۔
صدر ڈونلڈ ٹرمپ نے کہا کہ چین نے کورونا وائرس جیسی آفت کا ڈٹ کر مقابلہ کیا اور وائرس کے بارے میں ایک اچھا تصور قائم کر لیا ہے۔ اب ہم وائرس کے خلاف مل کر کام کر رہے ہیں۔ چینی صدر کے لیے بے حد عزت اور احترام رکھتا ہوں۔
Just finished a very good conversation with President Xi of China. Discussed in great detail the CoronaVirus that is ravaging large parts of our Planet. China has been through much & has developed a strong understanding of the Virus. We are working closely together. Much respect!
— Donald J. Trump (@realDonaldTrump) March 27, 2020
یاد رہے کہ اِس سے قبل امریکی صدر ڈونلڈ ٹرمپ نے اپنی روایتی ہٹ دھرمی برقرار رکھتے ہوئے کورونا وائرس کو چینی وائرس کہنے کی روش جاری رکھی۔
ٹوئٹر پرگزشتہ ہفتے اپنے پیغام میں امریکی صدر ڈونلڈ ٹرمپ نے کہا کہ میں نے ڈیفنس پروڈکشن ایکٹ پر صرف اِس لیے دستخط کیے تاکہ ”چینی وائرس“ سے نمٹا جاسکے۔
مزید پڑھیں: صدر ٹرمپ کی کورونا وائرس کو چینی وائرس کہنے کی روش جاری
