کراچی: پاکستان سول ایوی ایشن اتھارٹی نے ملازمین کی ترقی کارکردگی سے مشروط کردی اور ملازمین کی کارکردگی جانچنے کے لئے نیا حکم نامہ جاری کر دیا۔
حکم نامے میں کہا گیا کراچی سمیت ملک بھر کے آپریشنل ایئر پورٹس کے سروس گروپ 1 تا 4 کے ملازمین نیا پرفارما مکمل کریں گے جبکہ سروس گروپ ایک تا چار کے ملازمین کے ریکارڈ اور کارکردگی کو متعلقہ شعبوں کے جوائنٹ ڈائریکٹرز کی تصدیق سے مشروط کر دیا گیا ہے۔
حکم نامے کے مطابق ایس جی 01 سے 04 کے لئے رپورٹ نئیفارم سے منسلک کر دی گئی ہے، سی اے اے ملازمین کی کارکردگی چار جنوری 2019 تا 31 دسمبر 2019 تک نئے پرفارمہ میں مکمل کی جائے گی۔
حکم نامے میں مزید کہا گیا سی اے اے ملازمین کی کارکردگی کی تصدیق جوائنٹ ڈائریکٹر سے کم نہیں افسر نہیں کر سکے گا۔یاد رہے ملک کے اہم ترین ادارے سول ایوی ایشن اتھارٹی کو افسران کی کمی کا بدستور سامنا ہے۔
مزید پڑھیں: وائرس کا خدشہ: سول ایوی ایشن اتھارٹی نے چین کیلئے پروازیں معطل کردیں