گوگل نیوز پر ہمیں فالو کریںکراچی: پاکستان سپر لیگ کی ٹرافی کی تقریب رونمائی نیشنل اسٹیڈیم کراچی میں کل منعقد کی جائے گی جس میں پاکستان کے کھیلوں کے بڑے سپر اسٹار اور اسکواش کے عظیم کھلاڑی جہانگیر خان ٹرافی کے ہمراہ اسٹیڈیم میں آئیں گے۔
ٹرافی کی تقریب رونمائی کے موقع پرجہانگیر خان اسٹیڈیم میں خوبصورت ٹرافی لے کر آئیں گے اور اسے دفاعی چمپئن کوئٹہ گلیڈی ایٹرز کے کپتان سرفراز احمد کے سپرد کریں گے۔
تقریب کے دوران ٹرافیسرفراز احمد چیئرمین پاکستان کرکٹ بورڈ احسان مانی کے سپرد کریں گے جو تمام فرنچائزکے مالکان اور کپتانوں کے ہمراہ ٹرافی کی رونمائی کریں گے۔
اس مرتبہ پی ایس ایل کی ٹرافی برطانیہ کی کمپنی اوٹ ول سلور اسمٹس نے تیار کی ہے جس کے اوپر ایک چاند اور تکون ستارہ پاکستان کی نمائندگی کر رہا ہے۔ٹرافی کی لمبائی 65سینٹی میٹر اور اس کا کل وزن 8کلو ہے جس میں مخصوص رنگ بھی نمایاں ہیں۔
یہ بھی پڑھیں: خوشی ہےپی ایس ایل کے پانچویں ایڈیشن کا انعقاد ہوم گراؤنڈ پر ہورہا ہے، وسیم اکرم
