گوگل نیوز پر ہمیں فالو کریںاسلام آباد: وزیر اعظم عمران خان اور چیف آف آرمی اسٹاف جنرل قمر جاوید باجوہ نے قومی کبڈی ٹیم کو ورلڈ کپ جیتنے پر مبارکباد دی ہے۔
سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ بھارت کو شکست دے کر کبڈی کا عالمی کپ جیتنے پر پاکستان کی کبڈی ٹیم کو مبارکباد پیش کرتا ہوں۔
بھارت کو شکست دیکر کبڈی کا عالمی کپ جیتنے پر میں پاکستان کی کبڈی ٹیم کو مبارکباد پیش کرتا ہوں۔
— Imran Khan (@ImranKhanPTI) February 17, 2020
آرمی چیف جنرل قمر جاوید باجوہ نے بھی قومی کبڈی ٹیم کو ورلڈ کپ جیتنے پر مبارکباد دی۔ پاک فوج کے شعبۂ تعلقاتِ عامہ (آئی ایس پی آر) کے مطابق آرمی چیف نے کہا کہ تمام ٹیموں نے اچھا کھیل پیش کیا۔
آئی ایس پی آر کے مطابق آرمی چیف نے کہا کہ پاکستان اور بھارت سمیت دونوں ٹیموں نے کھیل کا حق ادا کرنے کی بھرپور کوشش کرتے ہوئے مہارت کے نئے معیارات قائم کیے۔
کبڈی ٹیم کی حوصلہ افزائی کرتے ہوئے آرمی چیف جنرل قمر جاوید باجوہ نے کہا کہ کھیل میں دونوں ٹیموں نے ایک دوسرے کا بھرپور مقابلہ کیا جس پر دونوں تالیوں کے مستحق ہیں۔
COAS extends felicitations to Pakistan team on winning Kabaddi World Cup 2020. All participating teams performed well. Both finalists, competing in true spirit of the game, displayed exceptionally high standard of expertise in a closely contested game and deserve to be applauded
— DG ISPR (@OfficialDGISPR) February 16, 2020
یاد رہے کہ اس سے قبل صوبہ پنجاب کے شہرلاہور میں پاکستانی پہلوانوں نے تاریخ رقم کردی، پاکستان نے روایتی حریف بھارت کو یادگار اور تاریخی شکست دے کر ٹائٹل اپنے نام کر لیا۔
کبڈی کے کھیل میں پاکستان نے پہلی بار عالمی سطح کا ورلڈ کپ اپنے نام کیا ہے۔ کبڈی کا فائنل میچ گزشتہ شب لاہور کے پنجاب اسٹیڈیم میں منعقد ہوا جس میں دونوں طرف سے اچھا کھیل پیش کیا گیا۔
مزید پڑھیں: پاکستان نے کبڈی ورلڈ کپ کا ٹائٹل اپنے نام کر لیا
