گوگل نیوز پر ہمیں فالو کریںاسلام آباد: پاکستان کو ایف اے ٹی ایف کی گرے لسٹ سے نکالنے یا ستمبر تک کی مہلت دینے سے متعلق فیصلہ لینے کیلئے ٹاسک فورس کا اجلاس فرانس کے دارالحکومت پیرس میں کل شروع ہو گا جو 21 فروری تک جاری رہے گا۔
وفاقی وزیراقتصادی امور حماد اظہر کی سربراہی میں پاکستانی وفد پیرس روانہ ہو گیاہے، وفد میں ڈی جی فنانشل مانیٹرنگ یونٹ اورڈائریکٹر جنرل وزارت خارجہ بھی شامل ہیں۔
پاکستان کو 39 ممالک کی تنظیم میں کسی سخت فیصلے سے بچنے کیلئے 3 ووٹ درکار ہیں تاہم ذرائع کا دعویٰ ہے کہ پاکستان کو ترکی، ملائیشیا، سعودی عرب، چین،امریکااور یورپی یونین کی سفارتی حمایت حاصل ہوگئی ہے۔
امیدہے کہ سعودی عرب، ترکی، ملائشیا، چائنا، کینیڈا، امریکہ، برطانیہ، روس، سنگاپور، اٹلی، جاپان، فرانس، جرمنی، یونان، ارجنٹینا، آسٹریلیا کی حمایت ملنے کی صورت میں پاکستان کو گرے لسٹ سے نکالنے کا متفقہ فیصلہ ہو جائے گا۔
مزید پڑھیں: پاکستان کے ایف اے ٹی ایف میں بلیک لسٹ ہونے کا خطرہ کتنا ہے؟
