گوگل نیوز پر ہمیں فالو کریںعالمی ادارہ صحت (ڈبلیو ایچ او) کا کہنا ہے کہ چین کے ساتھ تمام تر فضائی اور تجارتی اور سفری تعلقات منسوخ کرنےاور سرحدیں بند کردینا کورونا وائرس کو روکنے کا مؤثر طریقہ نہیں بلکہ اس سے وائرس مزید تیزی سے پھیلے گا۔
ڈبلیو ایچ او کے ترجمان کرسچیئن لِنڈمیئر کا جینوا میں اپنے بیان میں کہناتھا کہ چین کے ساتھ سرحدیں بند کرنے سے وائرس سے متاثرہ افراد کی ٹریکنگ سے محروم ہوجائیں گے اور ان لوگوں کی نکل و حرکت کو مزید مانیٹر نہیں کرسکیں گے۔
ڈبلیو ایچ اوکے ترجمان کا کہناتھا کہ سرحدیں بند کردینے سے وائرس کو پھیلنے سےروکنا ممکن نہیں بلکہ یہ کرنا مزید خطرے کا باعث بن سکتا ہے، اس وائرس پر ہم ایک ہی طریقے سے قابو پاسکتے ہیں کہ ہم زیادہ سے زیادہ احتیاط کریں۔
کرسچیئن لِنڈمیئر نے کہا کہ منطقی طور پر تو یہ صحیح لگتا ہے کہ اگر ہمیں باہر سے خطرہ ہے تو ہم خود کو کمرے میں بند کرلیں لیکن اگر ہم دوسرے نظریے سے دیکھیں جیسا کہ ایبولا یا کوئی اور وبائی مرض جس میں لوگ سفر کرنا چاہتے ہوں۔
ان کاکہناتھا کہ وائرس سے متاثرہ لوگوں کو اجازت نہ دی جائے تو وہ غیر قانونی طریقہ استعمال کرتے ہیں اور پھر انہیں مانیٹر کرنا مزید مشکل ہوجاتا ہے،اس مسئلے کاکوئی معقول حل نکالنا ہوگا۔
مزید پڑھیں: کورونا وائرس، عالمی ادارۂ صحت نے وبا سے نمٹنے کیلئے ہیلتھ ایمرجنسی نافذ کردی
