سرکاری ملازم کو ایسے بیانات زیب نہیں دیتے،مرتضیٰ وہاب کی آئی جی سندھ پر تنقید

کراچی: سندھ حکومت کے ترجمان بیرسٹرمرتضیٰ وہاب نے کہا ہے کہ آئی جی سندھ کلیم امام کا کام تقریر کرنا نہیں ہے، ہم آئی جی سندھ کی پرفارمنس سے متاثر نہیں تھے، کسی سرکاری ملازم کو اس طرح کے بیانات دینا زیب نہیں دیتا۔

پاکستان پیپلز پارٹی کے رہنما مرتضیٰ وہاب نے کہا ہے کہ کل وزیراعظم عمران خان نے یقین دہانی کرائی تھی کہ 24 گھنٹے میں آئی جی سندھ تبدیل ہوں گے۔

مزید پڑھیں:میرے خلاف سازش ہوئی، آسانی سے نہیں جاؤں گا، آئی جی سندھ کلیم امام ڈٹ گئے

انہوں نے کہا کہ وفاقی حکومت کا استحقاق ہے کہ کلیم امام کو کہیں بھی تعینات کرے۔ انہوں نے کہا کہ آئی جی سندھ کا کام تقریر کرنا نہیں پولیسنگ ہے، آئی جی سندھ کلیم امام کیسے اس طرح کی بات کرسکتے ہیں ؟۔