گوگل نیوز پر ہمیں فالو کریںلاہور: پاکستان اور بنگلا دیش کے درمیان ٹی20 سیریز کا تیسرا میچ مستقل بارش کے باعث شروع ہی نہ ہو سکااور یوں ٹی20 سیریز میں 0-2 کی فتح کی بدولت پاکستان کی نمبر ایک پوزیشن برقرار رہی۔
دونوں ٹیموں کے درمیان سیریز کا تیسرا اور آخری ٹی 20 میچ لاہور کے قذافی اسٹیڈیم میں کھیلا جانا تھا لیکن لاہور میں صبح سے جاری مسلسل بارش کے سبب میچ کا ٹاس بھی ممکن نہ ہو سکا۔
اس دوران امپائرز نے کئی مرتبہ گراؤنڈ کا رخ کیا لیکن تواتر کے ساتھ جاری بارش کے باعث میچ شروع ہونے کا امکان پیدا نہ ہو سکا جس کے بعد امپائرز نے دونوں ٹیموں کے کپتان اور میچ ریفری سے مشاورت کے بعد میچ منسوخ کرنے کا اعلان کیا۔
Thank you Lahore ???? #PAKvBAN pic.twitter.com/rhveqrtbhB
— Pakistan Cricket (@TheRealPCB) January 27, 2020
واضح رہےکہ گرین شرٹس نے پہلا میچ شعیب ملک کی ذمہ دارانہ اننگز کی بدولت جیتا تھا جب کہ دوسرے میچ میں بابر اعظم اور محمد حفیظ کی عمدہ بیٹنگ کی بدولت یکطرفہ مقابلے کے بعد کامیابی حاصل کر کے سیریز بھی اپنے نام کر لی تھی۔
پاکستان کو ٹی ٹوئنٹی رینکنگ میں اپنی پہلی پوزیشن برقرار رکھنے کے لیے تیسرا میچ جیتنا لازم تھاتاہم میچ بارش کی نذر ہونے کہ وجہ سے اور سیریز میں 0-2 کی فتح کی بدولت پاکستان کی نمبر ایک پوزیشن برقرار رہی۔
یہ بھی پڑھیں: پی ایس ایل فائیو میں اسلام آباد یونائیٹیڈ کی قیادت شاداب خان کو مل گئی
