کراچی: چیئرمین ایف بی آر شبر زیدی نے صحتیابی کی خوشخبری سناتے ہوئے اعلان کیا ہے کہ وہ 20 جنوری سے فیڈرل بورڈ آف ریونیو میں اپنے فرائض سنبھال لیں گے۔
سماجی رابطے کی ویب سائٹ ٹوئٹر پر اپنے پیغام میں چیئرمین ایف بی آر شبر زیدی نے کہا کہ میں آج طبیعت میں بہتری محسوس کر رہا ہوں۔ کراچی کے ایس آئی یو ٹی ہسپتال میں میرا علاج کیا گیا۔
چیئرمین ایف بی آر شبر زیدی نے کہا کہ ایس آئی یو ٹی ہسپتال میں میرے ٹیسٹ ہوئے اور علاج کیا گیا۔ میری تشخیصی رپورٹس درست آئی ہیں، طبیعت میں کچھ بے چینی ہے جو کچھ دن بعد ٹھیک ہوجائے گی۔
فیڈرل بورڈ آف ریونیو کے چیئرمین شبر زیدی نے پیغام میں بتایا کہ ڈاکٹروں نے مجھے 15 روز تک آرام کا مشورہ دیا ہے۔ اللہ نے چاہا تو 20 جنوری سے ایف بی آر سنبھال لوں گا۔
اس موقعے پر چیئرمین شبر زیدی نے ان تمام افراد کا شکریہ ادا کیا جنہوں نے انہیں جلد صحت یاب ہونے کے لیے نیک تمناؤں کے پیغامات بھیجے۔ انہوں نے کہا کہ آپ میری جلد صحت یابی کے لیے دُعا کریں۔
https://twitter.com/ShabarZaidi/status/1216055078722965506