گوگل نیوز پر ہمیں فالو کریںہالی وڈ میں سب سے زیادہ معاوضہ پانے والے اداکاروں میں سے ایک، جونی ڈیپ نے اپنی 7 منٹ کی مختصر اسکرین ٹائم کے لیے 68 ملین ڈالر کا معاوضہ وصول کیا۔
جونی ڈیپ نے 2010 کی ہالی وڈ فلم “ایلس ان ونڈر لینڈ” میں میڈ ہیٹر کا کردار ادا کیا۔ یہ کردار فلم میں صرف 7 منٹ تک دکھایا گیا لیکن ان 7 منٹ کے لیے انہیں 68 ملین ڈالر کی خطیر رقم ادا کی گئی جو کہ تقریباً 9.7 ملین ڈالر فی منٹ بنتی ہے۔
یہ رقم صرف ان کی اسکرین ٹائم کے لیے نہیں تھی بلکہ اس میں فلم کی مجموعی کمائی سے حاصل ہونے والے منافع کا ایک حصہ بھی شامل تھا۔
معاہدے کے تحت جونی ڈیپ کو فلم کی مجموعی کمائی کا 15فیصد حصہ ملنا تھا جو کہ تقریباً 105 ملین ڈالر بنتا ہے جبکہ اس کے علاوہ، ہوم ویڈیو اور مرچنڈائزنگ سے حاصل ہونے والی آمدنی بھی ان کے حصے میں آئی۔
“ایلس ان ونڈر لینڈ” کی کامیابی نے جونی ڈیپ کو ہالی وڈ کے سب سے زیادہ معاوضہ پانے والے اداکاروں میں شامل کر دیا۔ فلم نے عالمی سطح پر 1.025 بلین ڈالر کی کمائی کی، جس میں جونی ڈیپ کی مختصر اسکرین ٹائم کے باوجود ان کا حصہ نمایاں رہا۔
جونی ڈیپ کا “ایلس ان ونڈر لینڈ” میں مختصر کردار کے لیے حاصل کردہ معاوضہ ہالی وڈ کی تاریخ میں ایک سنگ میل کی حیثیت رکھتا ہے۔ یہ ثابت کرتا ہے کہ ہالی وڈ میں اداکاروں کی شہرت اور ان کے کردار کی اہمیت کے مطابق معاوضے کا تعین کیا جاتا ہے۔
