گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے آرمی ایکٹ ترمیم کی منظوری کی توقع ظاہر کرتے ہوئے کہا ہے کہ امید ہے سینیٹ میں بھی مفاہمت کی فضا نظر آئے گی۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ آرمی ایکٹ پر ملک کی تمام سیاسی قوتوں کا اتحاد اور مثبت کردار اعلیٰ پارلیمانی جمہوری روایات کا آئینہ دار ہے۔
معاونِ خصوصی اطلاعات فردوس عاشق اعوان نے کہا کہ سیاسی ہم آہنگی اور قومی یکجہتی کا شاندار مظاہرہ ملک دشمن قوتوں کے لیے واضح پیغام ثابت ہوا کہ پاکستانی قوم اہم معاملات اور قومی مفادات کے تحفظ کے لیے متحد ہے۔
آرمی ایکٹ پر ملک کی تمام سیاسی قوتوں کا اتحاد اور مثبت کردار اعلیٰ پارلیمانی جمہوری روایات کا آئینہ دار ہے۔سیاسی ہم آہنگی اور قومی یکجہتی کا شاندار مظاہرہ پاکستان دشمن قوتوں کیلئے واضح پیغام ہے کہ پاکستانی قوم اہم معاملات اور قومی مفاد کے تحفظ کے لئے متحد ہے۔
— Dr. Firdous Ashiq Awan (@Dr_FirdousAwan) January 8, 2020
ڈاکٹر فردوس عاشق اعوان نے امریکا ایران کشیدگی کے تناظر میں کہا کہ خطے کی صورتحال اور پاکستان کے مفاد میں ہمیں ہم آہنگی اور یکجہتی کی فضا کو مزید آگے بڑھانا ہے۔ امید ہے مفاہمت کی فضا کی جھلک سینیٹ میں بھی نظر آئے گی۔
خطے کی صورتحال اور پاکستان کے مفاد میں ہمیں ہم آہنگی اور یکجہتی کی فضا کو مزید آگے بڑھانا ہے۔امید ہے اس مفاہمت کی فضا کی جھلک سینٹ میں نظر آئے گی۔
— Dr. Firdous Ashiq Awan (@Dr_FirdousAwan) January 8, 2020
یاد رہے کہ اس سے قبل وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا کہ ملکی مفادات کے لیے سب ایک ہیں، امید ہے آرمی ایکٹ بل پارلیمان سے بھی منظور ہوجائے گا۔
ٹوئٹر پر گزشتہ روز اپنے پیغام میں معاونِ خصوصی اطلاعات فردوس عاشق اعوان نے کہا کہ آرمی ایکٹ بل کی قائمہ کمیٹی دفاع سے متفقہ منظوری قومی مفادات کے لیے سب کے ایک ہونے کا ثبوت ہے۔
مزید پڑھیں: امید ہے آرمی ایکٹ بل پارلیمان سے منظور ہوگا۔ فردوس عاشق اعوان
