گوگل نیوز پر ہمیں فالو کریںموجودہ پاکستانی ڈراموں کی فہرست یکسانیت اور اختراعی کمی کا شکار نظر آتی ہے جس کی وجہ سے ناظرین کی نظریں اب 2025 کے اُن پرجوش اور نمایاں سیریلز پر مرکوز ہو چکی ہیں جو بڑے فنکاروں اور منفرد کہانیوں کے ساتھ آ رہی ہیں۔
وہاج علی، ہانیہ عامر، بلال عباس خان اور احمد علی اکبر جیسے بڑے ستاروں کی واپسی کے ساتھ لگتا ہے کہ ڈرامہ انڈسٹری ایک نئی اور دلکش لہر کے ساتھ دوبارہ جلوہ گر ہونے کو تیار ہے۔
آئیے 2025 کے ان تین سب سے زیادہ متوقع پاکستانی ڈراموں پر ایک نظر ڈالتے ہیں:
میری زندگی ہے تُو
اداکار: بلال عباس خان، ہانیہ عامر
ہدایتکار: مصدق ملک
یہ رومانوی ڈرامہ پہلی بار دو مداحوں کے پسندیدہ اداکاروں بلال عباس اور ہانیہ عامر کو ایک ساتھ اسکرین پر لا رہا ہے۔
شوٹنگ کا عمل جاری ہے اور سوشل میڈیا پر شائقین کے بنائے گئے پوسٹرز اور پردے کے پیچھے کی جھلکیاں پہلے ہی وائرل ہو چکی ہیں۔ ان دونوں کی کیمسٹری اس ڈرامے کو ایک بلاک بسٹر بنانے کی بھرپور صلاحیت رکھتی ہے۔
سانول یار پیا
اداکار: احمد علی اکبر، درفشاں سلیم، فیروز خان
مصنف: ہاشم ندیم
ہدایتکار: دانش نواز
یہ ڈرامہ ریلیز سے قبل ہی یہ ڈرامہ سرخیوں میں آ گیا جب اداکارہ اقرا عزیز نے فیروز خان کی کاسٹنگ پر اعتراض کرتے ہوئے سیریل چھوڑ دیا۔ پردے کے پیچھے تنازع کے باوجود، یہ ڈرامہ ایک پُراثر کہانی، مضبوط کاسٹ، اور “پری زاد” اور “خانی” جیسے ہٹ پراجیکٹس کے تخلیق کاروں کی وجہ سے خاصی توجہ حاصل کر رہا ہے۔
جن کی شادی اُن کی شادی
اداکار: وہاج علی، سحر خان
وہاج علی ایک نئے چہرے کے ساتھ واپسی کر رہے ہیں ،اس ڈرامے کو ایک رومانوی کامیڈی قرار دیا جا رہا ہے جس میں معاون کرداروں میں ارسلان نصیر، سید جبران، نادیہ افگن، رومیسہ خان اور سدرہ نیازی شامل ہیں۔
دلچسپ عنوان اور متنوع اداکاروں کی موجودگی نے شائقین کو پہلے ہی متجسس کر دیا ہے۔
اگرچہ ان ڈراموں کی باضابطہ ریلیز کی تاریخیں ابھی ظاہر نہیں کی گئیں، مگر مداحوں کا جوش روز بروز بڑھتا جا رہا ہے۔ چاہے آپ کو رومانس پسند ہو، خاندانی کہانیاں یا سنجیدہ ڈرامہ 2025 ہر ذوق کے ناظرین کے لیے کچھ نہ کچھ ضرور لے کر آ رہا ہے۔
