گوگل نیوز پر ہمیں فالو کریںہفتے کے روز پاکستان کی سیکورٹی فورسز نے جیکب آباد ایئربیس پر بھارتی ڈرون حملے کو ناکام بناتے ہوئے تین دشمن ڈرون کامیابی سے مار گرائے۔
میڈیا رپورٹس کے مطابق جیکب آباد انسٹیٹیوٹ آف میڈیکل سائنسز کے قریب دو بھارتی ڈرون مار گرائے گئے۔ واقعے کے فوراً بعد بڑی تعداد میں شہری جائے وقوعہ پر پہنچ گئے اور پاک فوج اور پاک فضائیہ کے حق میں نعرے بازی کی۔
پاکستان آرمی نے ایک اور بھارتی ڈرون کو میرپورخاص کے نواحی علاقے میں نشانہ بنایا۔
بھارتی ڈرون کوٹ غلام محمد آباد کے علاقے میں گرا۔ اس واقعے کے بعد بھی بڑی تعداد میں مقامی لوگ جائے وقوعہ پر پہنچے اور پاک فوج کے حق میں نعرے لگائے۔
اس سے قبل 9 مئی 2025 کو سیکورٹی فورسز نے پاکستان کے مختلف شہروں میں بھارتی جارحیت کے دوران 78 بھارتی ڈرون تباہ کیے۔
سیکورٹی ذرائع کے مطابق، 8 مئی کی شام تک 29 بھارتی ڈرونز مار گرائے جا چکے تھے جبکہ جمعرات کی رات سے اب تک مزید 48 ڈرون تباہ کیے گئے۔
ذرائع نے تصدیق کی کہ پاکستان آرمی دشمن کی جارحیت کا مؤثر اور بھرپور جواب دے رہی ہے۔ تازہ ترین کارروائی میں ایک ڈرون وہاڑی، ایک پاکپتن جبکہ چار ڈرون اوکاڑہ میں تباہ کیے گئے۔
