مقبوضہ کشمیر کو دنیا کی سب سے بڑی فوجی چھاؤنی بنا دیا گیا ہے۔صدرِ مملکت

صدرِ پاکستان ڈاکٹر عارف علوی نے کہا ہے کہ بھارت نے مقبوضہ جموں و کشمیر کو دنیا کی سب سے بڑی فوجی چھاؤنی بنا دیا ہے۔

سماجی رابطے کی ویب سائٹ ٹوئٹر پر وفاقی وزارتِ اطلاعات کے پیغام کے مطابق صدرِ مملکت ڈاکٹر عارف علوی نے کہا کہ مقبوضہ کشمیر کے لوگوں کو بھارتی قابض فوج ظلم و ستم کا نشانہ بنا رہی ہے۔

یہ بھی پڑھیں:  اقوامِ متحدہ اپنی قراردادوں پر عمل کرائے۔شاہ محمود قریشی

کشمیریوں کے یومِ حقِ خود ارادیت کے موقعے پر پیغام دیتے ہوئے صدر ڈاکٹر عارف علوی نے کہا کہ بھارتی فوج کشمیریوں کو  من حیث القوم سزا دینے پر تلی ہوئی ہے۔

صدر ڈاکٹر عارف علوی نے کہا کہ بھارتی فوج نے کشمیر کی وادی کو مکمل طور پر دنیا کے سب سے بڑے عسکری زون میں تبدیل کردیا ہے۔ 

President Dr. Arif Alvi says the people of #occupiedkashmir Kashmir are being subjected to collective punishment by Indian occupation forces who have converted the territory into the largest militarized zone in the world.
@Dr_FirdousPTI @SMQureshiPTI @MuradSaeedPTI pic.twitter.com/zPLxWO5P34

— Ministry of Information & Broadcasting (@MoIB_Official) January 5, 2020

 اس سے قبل وفاقی وزیر خارجہ شاہ محمود قریشی نے  اقوامِ متحدہ سے مطالبہ کیا کہ مقبوضہ کشمیر میں جاری ظلم و ستم روکنے کے لیے اپنی قراردادوں پر عمل کرائے۔

یومِ حقِ خود ارادیت کے حوالے سے پیغام دیتے ہوئے وزیر خارجہ نے کہا کہ اقوامِ متحدہ کے ادارے سلامتی کونسل سے کشمیریوں کے حقِ خود ارادیت کا مطالبہ کرتے ہیں۔بھارت کو ظلم سے باز رکھا جائے۔

یاد رہے کہ آج دنیا بھر میں  مقیم مظلوم کشمیری عوام غاصب بھارت کے خلاف یومِ حقِ خود ارادیت منا رہے ہیں، آج سے ٹھیک 71 سال پہلے اقوامِ متحدہ نے مقبوضہ کشمیر کے حق میں ایک قرارداد منظور کی۔

اقوامِ متحدہ کے ادارے سلامتی کونسل نے مظلوم کشمیریوں کے حقِ خود ارادیت کو 5 جنوری 1949 کو تسلیم کرتے ہوئے استصوابِ رائے کے ذریعے کشمیری عوام کو اپنے مستقبل کا فیصلہ خود کرنے کا حق دیا۔ 

مزید پڑھیں: مظلوم کشمیری آج یومِ حقِ خود ارادیت منا رہے ہیں