گوگل نیوز پر ہمیں فالو کریںاسلام آباد: الیکشن کمیشن آف پاکستان نے کہا ہے کہ غیر حتمی انتخابی فہرستوں کی اشاعت اور فارم جمع کروانے کی آخری تاریخ 24 جنوری ہے، شہری آخری تاریخ کا انتظار کیے بغیر اپنے ووٹ کے اندراج کو شناختی کارڈ کے مستقل یا موجودہ پتہ پر یقینی بنائیں۔
الیکشن کمیشن آف پاکستان کی جانب سے ووٹرز کے نام پیغام میں کہا گیا ہے کہ غیر حتمی یا ابتدائی فہرستوں کی اشاعت کیلئے ملک بھر میں بنائے گئے ڈسپلے سنٹرز میں ووٹ اندراج، منتقلی، اعتراض اور درستگی کوائف کے فارم جمع کروانے کی آخری تاریخ 24 جنوری 2020 ہے۔
ووٹرز اپنا شناختی کارڈ نمبر 8300 پر ایس ایم ایس کرکے اپنے ووٹ کے اندراج اور ڈسپلے سنٹر کی تفصیلات حاصل کریں۔ ووٹ کے اندراج و منتقلی کیلئے فارم نمبر 15, ووٹ پر اعتراض کیلئے فارم نمبر 16 اور درستگی کوائف کیلئے فارم نمبر 17 ڈسپلے سنٹرز پر جمع کروائیں۔
یہ بھی پڑھیں: اسپیکر قومی اسمبلی نے زیرحراست 4 اراکین قومی اسمبلی کے پروڈکشن آرڈرز جاری کردیے
