جنرل قاسم سلیمانی نے ہزاروں امریکیوں کو قتل اور زخمی کیا، امریکی صدر ڈونلڈ ٹرمپ

نیویارک: امریکی صدر ڈونلڈ ٹرمپ نے عراق کے دارالحکومت بغداد میں ایرانی جنرل قاسم سلیمانی کے جاں بحق ہونے کے بعد کہا ہے کہ ایران نے کبھی جنگ نہیں جیتی،جنرل قاسم سلیمانی نے ہزاروں امریکیوں کو قتل اور زخمی کیا۔

ایرانی جنرل قاسم سلیمانی کی ہلاکت کے بعد سماجی رابطے کی ویب سائٹ ٹویٹر پر ٹویٹ کرتے ہوئے انہوں نے کہاکہ ایران نے کبھی بھی جنگ نہیں جیتی لیکن مذاکرات میں کبھی شکست نہیں کھائی۔

امریکی صدر نے کہا کہ جنرل قاسم سلیمانی نے ہزاروں امریکیوں کو قتل اور زخمی کیا، قاسم سلیمانی مزید کئی امریکیوں کو مارنے کی منصوبہ کر رہے تھے، وہ براہ راست یا بلا واسطہ لاکھوں لوگوں کے قتل کا ذمہ دار تھے۔

مزید پڑھیں: امریکی فضائیہ کا بغداد ائیرپورٹ پر حملہ، ایرانی کمانڈر سمیت 9 افراد جاں بحق ہو گئے

انہوں نے کہاکہ سلیمانی نے ایران میں سینکڑوں مظاہرین کو قتل کیا، ایران میں قاسم سلیمانی سے لوگ نفرت کرتے تھے اور ان سے ڈرتے تھے، ان کو کئی سال پہلے کی ختم کرنا چاہیے تھا۔