گوگل نیوز پر ہمیں فالو کریںبھارتی ٹینس کی لیجنڈ کھلاڑی ثانیہ مرزا نے ایک غریب آدمی کی زندگی کیسے بدل دی۔ یہ شخص، جو بھینسوں کی دیکھ بھال کرتا تھا، اب کروڑوں روپے کا مالک بن چکا ہے اور اس کی کامیابی کی کہانی سن کر آپ حیرت زدہ رہ جائیں گے۔
ثانیہ مرزا، جو بھارت کی معروف ٹینس کھلاڑی ہیں اور دنیا بھر میں اپنے کھیل اور مشہور ٹی وی شو کی میزبانی کے لیے جانی جاتی ہیں، نے 2010 میں پاکستان کے سابق کرکٹر شعیب ملک سے شادی کی تھی، تاہم ان کی شادی 2024 میں طلاق پر ختم ہوئی، جب ثانیہ نے شعیب ملک سے ”خلع“ کا مطالبہ کیا۔
ثانیہ مرزا نے حال ہی میں ’یاروں کی بارات‘ شو میں بالی ووڈ کی مشہور کوریوگرافر اور ہدایتکارہ فرح خان کے ساتھ شرکت کی، جہاں انہوں نے اپنی زندگی کے کچھ دلچسپ لمحات شیئر کیے۔ شو میں بھوجپوری گلوکار اور اداکار کھیساری لال یادو نے ثانیہ مرزا کے بارے میں گانے گائے، جن میں ایک گانا ”ٹینس والی سینیا دلہا کھوجلی پاکستانی“ بہت مشہور ہوا۔
کھیساری لال یادو نے ایک وقت میں بھینسوں کی دیکھ بھال کی تھی، لیکن آج وہ اس گانے کی بدولت 20 کروڑ روپے سے زیادہ کے مالک بن چکے ہیں۔ ان کے ثانیہ مرزا پر گانے بھوجپوری فلمی صنعت میں بہت مقبول ہیں۔
یاد رے کہ ثانیہ مرزا نے 2023 میں ٹینس سے ریٹائرمنٹ لے لی تھی۔ بھارتی میڈیا کے مطابق، ثانیہ مرزا اس وقت 216 کروڑ بھارتی روپے سے زائد کی مالک ہیں اور طلاق کے بعد زیادہ تر دبئی اور حیدرآباد (بھارت) میں رہتی ہیں۔
