گوگل نیوز پر ہمیں فالو کریںکراچی: وزیراعلیٰ سندھ مراد علی شاہ نے تاجر برادری اور تاجروں کے اعزاز میں تقریب سے خطاب کرتے ہوئے کہا کہ ملک کے توانائی کے مسائل کا حل کراچی میں موجود ہے، ملک میں توانائی کا مسئلہ صرف سندھ حکومت ہی حل کرسکتی ہے۔
اپنے خطاب کے دوران وزیراعلیٰ سندھ مراد علی شاہ نے زور دے کر کہا کہ حکومت پیسہ کمانا نہیں چاہتی بلکہ حکومت کا مقصد تاجر برادری اور عوام کی خدمت کرنا ہے۔ انہوں نے مزید کہا کہ کاروباری برادری اچھے منصوبوں میں سرمایہ کاری کرے گی اور سندھ حکومت کے پاس وہ مواقع موجود ہیں۔
اپنے خطاب میں مراد علی شاہ نے یہ بھی کہا کہ ہمارا مقصد کسی کو مسائل میں شامل کرنا نہیں ہے۔ جو لوگ مدد کر رہے ہیں، ہم ان کے ساتھ تعاون کے لیے ہمیشہ تیار ہیں۔ ہمارا بھٹو ہائی وے (ملیر ایکسپریس وے) 60 ارب روپے کا منصوبہ تیار ہے۔
وزیراعلیٰ مراد علی شاہ نے مختلف منصوبوں پر تبادلہ خیال کرتے ہوئے تاجر برادری پر زور دیا کہ وہ سندھ حکومت پر اعتماد کریں اور ان اقدامات میں سرمایہ کاری کریں۔ انہوں نے پیپلز پارٹی کے چیئرمین بلاول بھٹو زرداری کی قیادت اور رہنمائی کی بھی تعریف کی۔
