گوگل نیوز پر ہمیں فالو کریںکائنات مہیشوری مارگ فورم کی جانب سے آرٹس کونسل آف پاکستان کراچی میں مورخہ 15 دسمبر 2024 کو مہیشوری (ہندو) برادری کے 250 پوزیشن ہولڈرز کے جی ون سے لے کر بارہویں جماعت کے طلباء اور طالبات کے لیے ویرسی ماسٹر ایوارڈ نامی تقریب منعقد کی گئی۔
اس تقریب میں طلباء اور طالبات کے ساتھ کے والدین اور مہیشوری برادری کے لوگوں نے بڑی تعداد میں شرکت کی اور کائنات مہیشوری مارگ فورم کی جانب سے تمام پوزیشن ہولڈرز طالب علموں میں ویرسی ماسٹر ایوارڈ کی شیلڈ تقسیم کی گئی۔
اس کے ساتھ ساتھ بچوں اور والدین میں کھیلوں کے مقابلے بھی کروائے گئے اور جیتنے والوں میں انعامات تقسیم کیے گئے۔
کائنات مہشوری مارگ فورم کے بانی بابو کانجی مانگلیا کا کہنا تھا کہ اس تقریب کا مقصد صرف اور صرف بچوں میں تعلیم کے رجحان کو بڑھانا ہے تاکہ یہ بچے اعلی تعلیم حاصل کرکے اپنے وطن پاکستان اور اپنی برادری کا نام روشن کرسکے۔
