گوگل نیوز پر ہمیں فالو کریںاسلام آباد: سابق وفاقی وزیرورکن قومی اسمبلی زرتاج گل کو قومی اسمبلی میں سنی اتحاد کونسل کا پارلیمانی لیڈر نامزد کر دیا گیا ہے۔
پی ٹی آئی کے بانی عمران خان نے ایوان زیریں میں پارلیمانی لیڈر کے لیے ڈیرہ غازی خان سے پارٹی ایم این اے زرتاج گل کے نام کی منظوری دے دی ہے۔
پارٹی نے قومی اسمبلی میں سنی اتحاد کونسل کے پارلیمانی لیڈر کے لیے چار نام تجویز کیے تھے۔ پی ٹی آئی حکومت میں موسمیاتی تبدیلی کی سابق وزیر زرتاج گل، صاحبزادہ محبوب سلطان، زین قریشی اور احمد چٹھہ کے نام پارلیمانی عہدے کے لیے پی ٹی آئی کے بانی کو بھیجے گئے تھے۔
سنی اتحاد کونسل کے سربراہ زرتاج گل کی بطور پارلیمانی لیڈر نامزدگی کے بارے میں پیر کوا سپیکر قومی اسمبلی کو باضابطہ طور پر آگاہ کریں گے۔
