گوگل نیوز پر ہمیں فالو کریںپاکستان میں آج عید الفطر کا دوسرا دن بھی جوش و خروش سے منایا جارہا ہے، آج سسرال میں دعوتوں، دوستوں سے ملاقاتوں اور پارکس و تفریحی مقامات پر پکنک کا خصوصی اہتمام کیا جارہا ہے۔
عید کے اگلے دن کو عام طور پر خاندان اور دوستوں کے ساتھ گزارا جاتا ہے، کراچی میں بڑی تعداد میں شادی شدہ شہری آج سسرال کا رخ کررہے ہیں جہاں خاص طور پر پکوان تیار کئے جارہے ہیں۔
عید کے دوسرے روز دوستو ںکے ساتھ دعوتوں کا بھی خاص اہتمام کیا جاتا ہے اور آج کے دن نوجوان دوستوں کے ساتھ ہوٹلوں اور ریسٹورنٹس پر دعوتیں دے رہے ہیں اور شہر کے تفریحی مقامات پر بھی لوگوں کا بہت زیادہ رش دیکھا جارہا ہے۔
عید کے دوسرے روز پارکس اور تفریحی مقامات کی سیر کے علاوہ خاندان اور دوستوں کے ساتھ ملکر باربی کیو پارٹیاں بھی ہونگی جبکہ شام کو سینما میں فلم دیکھنے والوں نے ایڈوانس میں بکنگ بھی کروالی ہے۔
