گوگل نیوز پر ہمیں فالو کریںآرمی چیف جنرل قمر جاوید باجوہ نے کہا ہے کہ میں سانحہ اے پی ایس کے تمام شہداء اور لواحقین کو سلیوٹ پیش کرتا ہوں۔ آرمی پبلک اسکول سانحہ کبھی نہیں بھولیں گے۔
سماجی رابطے کی ویب سائٹ ٹوئٹر پر ڈی جی آئی ایس پی آر پیغام کے مطابق آرمی چیف نے کہا کہ ذمہ دار دہشت گردوں میں سے 5 کو فوجی عدالتوں نے پھانسی پر لٹکا دیا۔ شہداء کو سلام پیش کرتے ہیں۔
چیف آف آرمی اسٹاف جنرل قمر جاوید باجوہ نے کہا کہ من حیث القوم ہم نے دہشت گردی کے خلاف ایک طویل جنگ لڑی۔ قوم پوری طرح دہشت گردوں کے خلاف متحد ہے۔
جنرل قمر جاوید باجوہ نے سانحہ آرمی پبلک اسکول کے شہداء کو خراجِ تحسین پیش کرتے ہوئے کہا کہ ہمیں متحد رہ کر پاکستان میں دیر پا امن اور خوشحالی کے حصول کے لیے آگے بڑھنا ہے۔
“APS carnage will never be forgotten. Five of the involved terrorists have been hanged through military courts. Salute to martyrs and their families. We have come a long way in failing terrorism as a nation. United we move towards lasting peace and prosperity of Pakistan”, COAS. pic.twitter.com/Swv1ocF3gO
— DG ISPR (@OfficialDGISPR) December 16, 2019
