گوگل نیوز پر ہمیں فالو کریںامریکا علاقائی کشیدگی کے درمیان عراق اور شام میں 1500 فوجی بھیجنے کا فیصلہ سامنے آیا ہے۔
امریکی آؤٹ لیٹ سی بی ایس نیوز کی ایک رپورٹ کے مطابق نیو جرسی آرمی نیشنل گارڈ کے فوجیوں کو ان کی تعیناتی سے قبل نیو جرسی ریاست کے گورنر فل مرفی نے ان کو اعزاز دیا۔
فوجی مشرق وسطیٰ جانے سے قبل تربیت کے لیے پہلے ٹیکساس میں فورٹ بلس جائیں گے۔ مبینہ طور پر 2008 کے بعد سے ان کی سب سے بڑی تعداد ہے۔
یہ اس وقت ہو رہا ہے جب عراق اور شام میں امریکا کی مخالف افواج غزہ میں جنگ کے آغاز کے بعد سے کم از کم 130 بار امریکی اڈوں کو نشانہ بنا چکی ہیں۔
شام کی حکومت امریکی افواج کو ایک “قابض” قوت سمجھتی ہے اور عراقی وزیراعظم محمد شیعہ السوڈانی نے گزشتہ ہفتے کہا تھا کہ وہ امریکی افواج کا “جلد” انخلاء چاہتے ہیں۔
